Gujarati News

Gujarati News

News of Tuesday, 24th November 2020

નર્મદાના એક ગામમાં 5 દીકરી બાદ દીકરાનો જન્મ ન થતા પરણિતાને ત્રાસ આપતા સસરિયાઓને મહિલા હેલ્પલાઇને આપ્યું માર્ગદર્શન

(ભરત શાહ દ્વારા) રાજપીપળા :  નર્મદા જિલ્લાના એક ગામમાંથી પરણિતાનો 181 મહિલા હેલ્પલાઇનમાં કોલ આવ્યો કે તેમને દીકરો ન થતો હોવાથી તેમના પતિ અને સાસરી વાળા મારઝૂડ કરી હેરાન કરે છે માટે મદદ કરવા જણાવતા રાજપીપળા મહિલા પોલીસ સ્ટેશન સ્થિતિ 181 અભયમ રેસ્ક્યુ વાન તાત્કાલિક આ મહિલાના ઘરે પહોંચી પતિ અને સાસુને સમજાવ્યા કે આ માટે એકલી સ્ત્રી જવાબદાર નથી હવે દીકરી અને દીકરો એક સમાન છે દીકરીઓને પણ યોગ્ય શિક્ષણ અપાય તો એ પણ સ્વમાનભેર જીવી શકે છે.આમ વિગતવાર સમજ આપતા મહિલાના સસરિયા એ પોતાની ભૂલ કબુલ્યા બાદ હવે પછી પત્નીને હેરાન નહીં કરે તેવી ખાત્રી આપી હતી.
આજે પણ ઘણા સમાજોમાં પરિવાર માં દીકરો હોવો જ જોઈએ અને દીકરાનો જન્મ ન થતા સમગ્ર દોષ પત્નીનો હોય તેમ માની મારઝૂડ અને માનસિક ત્રાસના કિસ્સાઓ હજુ પણ જોવા મળે છે આવોજ આ કિસ્સો અભયમ 181મહિલા હેલ્પલાઇનને મળતા અભયમ ટીમે પત્ની અને સાસરી વાળને વિગતવાર સમજ આપતા મહિલાના સસરિયા એ પોતાની ભૂલ કબૂલી હતી.પોતાને મળેલ મદદ બદલ પરણિતા એ અભયમ ટીમ નો આભાર માન્યો હતો.

(11:05 pm IST)
  • થાણેમાં મહારાષ્ટ્ર નવનિર્માણ સેનાના નેતા જમીલ શેખની ગોળી મારી હત્યા થઈ છે. મોટરસાયકલ ઉપર આવેલા બે અજાણ્યા શખ્સોએ શેખનો પીછો કરી માથામાં ગોળી મારી હત્યા કરી હતી. access_time 8:40 am IST

  • ઝડપી અને સસ્તા દરમાં કોરોના ટેસ્ટનો પ્રારંભ કરાવતા અમિતભાઈ ગૃહમંત્રી અમિતભાઈ શાહે નવી દિલ્હી ખાતે, ઇન્ડિયન મેડિકલ કાઉન્સિલ ઓફ ઈન્ડિયાના હેડકવાટર ઉપર માત્ર 499 રૂપિયામાં કોવિડ આરટી-પીસીઆર ટેસ્ટનો પ્રારંભ કરાવ્યો; 6 કલાકમાં કોવિડ ટેસ્ટનું પરિણામ: પ્રથમ તબક્કામાં, આવી 20 લેબ્સ ઉભી થવાની સંભાવના છે: દરેક લેબ એક દિવસમાં 1000 કોવિડ ટેસ્ટ કરવા માટે સક્ષમ છે access_time 8:41 am IST

  • બેક ટુ બેક ... આવતા મહિને વધુ એક 'બુરેવી' વાવાઝોડાનો ખતરો : 'નિવાર'નામનું વાવાઝોડુ ત્રાટકવાની તૈયારીમાં છે ત્યારે તામિલનાડુના દરિયાકિનારે વધુ એક વાવાઝોડાનો ખતરો મંડાઈ રહ્યો છેઃ 'બુરેવી'નામનું વાવાઝોડુ તા.૩ કે ૪ ડીસેમ્બર આસપાસ ત્રાટકે તેવી સંભાવના હોવાનું વેધરની એક ખાનગી સંસ્થાએ જણાવ્યું છે access_time 2:36 pm IST