Gujarati News

Gujarati News

News of Friday, 25th September 2020

પોલીસનો બાતમીદાર જ છેવટે ચોર નિકળતા ચકચાર

અમદવાદમાં ચોરીનો એક અજબ કિસ્સો બન્યો : પોલીસ પાસે ખબરી અને બાતમીદારોનું એક અલાયદું નેટવર્ક હોય છે જેનાથી ગુનાઓ ઉકેલવામાં મદદ મળે છે

અમદાવાદ,તા.૨૪ : અમદવાદમાં ચોરીનો એક અજબ કિસ્સો સામે આવ્યો છે. સામાન્ય રીતે એવું હોય છે કે કોઈ પણ શહેરની પોલીસ પોતાના ખબરી અને બાતમીદારોનું એક અલાયદું નેટવર્ક ધરાવતી હોય છે જેનાથી તેમને ગુન્હાઓ ઉકેલવામાં મદદ મળતી હોય છે. પરંતુ અમદાવાદ ની પોલીસ ને તેના જ બાતમીદારે ચકરાવે ચડાવી છે. હકીકતમાં અહી બાતમીદાર જ ચોર નીકળ્યો છે.અમદાવાદ માં એક ખૂબ જ અજીબો ગરીબ કિસ્સો સામે આવ્યો હતો. સામાન્ય રીતે પોલીસ બાતમીદારોની માહિતીના આધારે અપરાધીઓને ડિટેક્ટ અને ટ્રેસ કરતી હોય છે પરંતુ અહી તો કંઇક અલગ જ કિસ્સો આમે આવ્યો હતો.અમદાવાદ માં ચોર જ પોલીસને બાતમીદાર બનીને બાતમી આપવાનું કામ કરી રહ્યો હતો. શહેરના કારંજ પોલિસને એક એવો અનુભવ થયો કે જે જાણીને તમે પણ આશ્રય ચકીત થઇ જશો. વાહન ચોરી ના આરોપીની શોધવા નીકળેલી કારંજ પોલીસને એક બાતમીદાર મળ્યો હતો અને વાહન કોણ ચોરી ગયું છે તેની બાતમી આપવા માટે પોલીસને જાણ કરી હતી. જોકે આ માહિતીના બદલામાં તેની સામે બાતમીદારે પૈસા માગ્યા હતા.બાતમીદાર ની આ વાત જાણીને જાણીને ખુદ પોલીસ જ ચોંકી ગઈ હતી, અને જેરે તે તપાસ કરવા નીકળી ત્યારે જે હકીકત સામે આવી હતી તે જાણીને ખુદ પોલીસ જ અચંબો પામી ગઈ હતી, અને પોલીસ પાસેથી બાતમીના પૈસા માંગતો હતો.

મહોમ્મદ ફારુક રગરેજ નામના શખ્સને પોલીસ ને ટોપીઓ પહેરાવવાનું ભારે પડ્યું હતું. આ શખ્સ પોલીસ ને અન્ય ગુનાઓની માહિતી આપવાનું કામ કરતો હતો અને આમ કરીને પોલીસ નો ખબરી બની બેઠો હતો. ફારૂક અમદાવાદ માં દિલ્હી દરવાજા પાસે રહે છે અને ચોરી કર્યા બાદ પોતે પકડાય નહીં તે માટે તેણે એક અનોખી ચાલ અપનાવી હતી. તે પોતે ચોર બનીને વાહન ચોરતો હતો અને પોલીસને અન્ય ગુન્હાઓની માહિતી આપતા બાતમીદાર બની બેઠો હતો. તે પોતે કરેલ વાહન ચોરી જેવા ગુન્હાઓની માહિતી આપતો નહોતો, જ્યારે કેઓ અન્ય ગુન્હાઓની માહિતી આપતો હતો. તે એવી ભ્રમણામાં રાચી રહ્યો હતો કે આમ કરવાથી તે બચી જશે પરંતુ તેની આ ચાલાકી નિષ્ફળ નીવડી હતી. કારંજ પોલીસ નો ખાસ માણસ બનીને ફરતા ફારુકને ખબર નહોતી કે પોલીસ ને પહેલાથી જ તેના પર શંકા હતી જ, પરંતું તે દ્રઢ ત્યારે બની જ્યારે બીજા તમામ ગુન્હાઓની બાતમી આપતા તેને વાહન ચોરી અંગે પૂછવામાં આવ્યું ત્યારે તેણે પોલીસ પાસેથી પૈસા માંગ્યા, તેની આ કરતૂત પર પોલીસ ચોંકી ઉઠી હતી, અને ઊંડી તપાસ બાદ જે સત્ય સામે આવ્યું તેનાથી પોલીસ પર ચોંકી ગઈ હતી. ફારૂક આ પહેલા પણ મિલકત સંબંધી અનેક ગુન્હાઓમાં જેલમાં જઈ આવ્યો છે, જ્યારે કે ફરી એક ગુન્હામાં પકડાતા તેની ધરપકડ કરાઈ છે.

(9:03 pm IST)
  • દેશમાં કોરોનાનો કહેર : રાત્રે 12 -30 વાગ્યા સુધીમાં નવા 85,919 પોઝીટીવ કેસ નોંધાયા : કુલ કેસની સંખ્યા 58,16,103 થઇ: હાલમાં 9,69,972 એક્ટિવ કેસ: વધુ 81,141 દર્દીઓ સ્વસ્થ થતા કુલ 47,52,991 લોકોએ કોરોનાને મ્હાત આપી : વધુ 1144 લોકોના મોત સાથે મૃત્યુઆંક 92 ,317 થયો access_time 1:02 am IST

  • અભૂતપૂર્વ ઘટના!! : ઉત્તર કોરીયાના તાનાશાહ કીમ જોંગ-ઉને દક્ષિણ કોરીયાની માફી માગી :દક્ષિણ કોરીયાના ઓફીસરની હત્યા કરવા માટે એક અભૂતપૂર્વ ઘટનામાં ઉત્તર કોરીયાના સરમુખત્યાર કીમ જોંગ-ઉને દક્ષિણ કોરીયાની માફી માગી હોવાનું દક્ષિણ કોરીયાના રાષ્ટ્રપતિની ઓફીસે જાહેર કર્યું છે. દ. કોરીયાએ કહેલ કે ૪૭ વર્ષનો વ્યકિત ઉત્તર કોરીયા જવા માગતો હતો ત્યારે તેને ફુંકી મારવામાં આવેલ. ઉત્તર કોરીયાએ પોતાના રાષ્ટ્રમાં કોરોના આવતો અટકાવવા માટે 'શુટ ટુ કીલ'ની નીતી અપનાવી છે. દ.કોરીયાના રાષ્ટ્રપતિ મુનને પત્ર પાઠવી કીમ-જોંગ ઉને માફી માગી લખ્યુ છે કે આવુ બનવુ જોઇતુ ન હતુ. ઉ-કોરીયાએ વિગતો જાહેર કરતા લખ્યુ છે કે આ વ્યકિત ઉપર ૧૦ શોટફાયર કરાયેલા. access_time 2:32 pm IST

  • દેશમાં કોરોનાના કહેર વચ્ચે 47 લાખથી વધુ દર્દીઓ રિકવર થયા : રાત્રે 8 વાગ્યા સુધીમાં વધુ 28,775 દર્દીઓ સ્વસ્થ થતા કુલ 27,00,625 રિકવર થયા access_time 8:25 pm IST