Gujarati News

Gujarati News

News of Friday, 25th September 2020

ઓનલાઈન સુનાવણીમાં સ્મોકિંગ કરતા એડવોકેટને ગુજરાત હાઈકોર્ટે ૧૦,૦૦૦નો દંડ ફટકાર્યો

વિડીયો કોન્ફરન્સિંગથી હાઈકોર્ટની સુનાવણી દરમિયાન વકીલ કારમાં સ્મોકિંગ કરી રહ્યા હતા

અમદાવાદ, તા.૨૫: કોર્ટની વર્ચ્યુઅલ સુનાવણી દરમિયાન જજની સામે સ્મોકિંગ કરવું એડવોકેટને ભારે પડી ગયું. ગુરુવારે ગુજરાત હાઈકોર્ટમાં ઓનલાઈન કેસની સુનાવણી દરમિયાન સ્મોકિંગ કરતા એડવોકેટને તેમના આ વર્તનની નિંદા કરતા ન્યાયાધીશ દ્વારા ગેરજવાબદાર વર્તન માટે રૂપિયા ૧૦૦૦૦ હજારનો દંડ ફટકારવામાં આવ્યો હતો.

ઘટના મુજબ, એડવોકેટ જે.વી અજમેરા પોતાની કારમાંથી જ કોર્ટની સુનાવણીમાં હાજર હતા. વિડીયો કોન્ફરન્સિંગ દ્વારા ચાલતી સુનાવણી દરમિયાન એડવોકેટ અજમેરા પોતાની કારમાં જ સ્મોકિંગ કરતા જોવા મળ્યા. જેનાથી જસ્ટીસ એ.એસ સુપેહ્યા નારાજ થઈ ગયા. ન્યાયાધીશે કહ્યું કે, કોર્ટની સુનાવણી દરમિયાન પોતાની કારમાંથી એડવોકેટ સ્મોકિંગ કરે તેવું અપેક્ષિત નથી. એડવોકેટના આ પ્રકારના વર્તનની કડક નિંદા કરવી જોઈએ. વિડીયો કોન્ફરન્સથી હાજર થતા વકીલોએ કોર્ટની માન-મર્યાદા જાળવવી જોઈએ.

હાઈકોર્ટે વધુમાં કહ્યું કે, આથી વકીલે વિડીયો કોન્ફરન્સિંગથી સુનાવણી વખતે પોતાના ઘરમાં અથવા તો ઓફિસમાં રહેવું જોઈએ અને યોગ્ય રીતે બેસવું જોઈએ. હાઈકોર્ટે બાર કાઉન્સિલ ઓફ ગુજરાત અને બાર એસોસિયેશન ઓફ હાઈકોર્ટને આદેશ આપ્યો છે કે તેઓ તમામ વકીલોને યોગ્ય વર્તન કરવા માટે આદેશ આપે.

હાઈકોર્ટે આ સાથે જ રજીસ્ટ્રાર (જયુડિશિયલ)ને વકીલ અજમેરા વિરુદ્ઘ કાર્યવાહી શરૂ કરવાનો આદેશ આપ્યો છે અને ૧૦ દિવસની અંદર રિપોર્ટ માગ્યો છે. ઉપરાંત કોર્ટે રિપોર્ટને બાર કાઉન્સિલને પણ મોકલવા માટે રજીસ્ટ્રીને આદેશ આપ્યો છે. જસ્ટીસ સુપેહ્યાએ કાઉન્સિલ અને અસોસિયેશનને વિડીયો કોન્ફરન્સિંગથી સુનાવણી દરમિયાન કોર્ટની મર્યાદા જાળવવા માટે કહ્યું છે.

કોર્ટના આદેશમાં કહેવાયું છે કે, તેમને સૂચના/આદેશ આપવો જોઈએ કે વિડીયો કોન્ફરન્સિંગથી સુનાવણી દરમિયાન તેઓ પોતાના દ્યર અથવા ઓફિસમાં હોવા જોઈએ, વ્હીકલ કે ખુલ્લા મેદાન પર પ્રતિબંધ મૂકો. પોતાના દ્યરે અથવા ઓફિસથી સુનાવણીમાં હાજર રહીને કોર્ટમાં સંબોધન કરતા તેમણે વ્યવસ્થિત રીતે બેસીને મર્યાદાનું ધ્યાન રાખવું જોઈએ.

(11:42 am IST)