Gujarati News

(વંદના નીલકંઠ વાસુકિયા) વિરમગામ : તારીખ 26 સપ્ટેમ્બર 2021ના રોજ વિરમગામ તાલુકાના નળકાંઠા વિસ્તારમાં રૂપાવટી, કિશોલ, ઝેઝરા, અસલગામ, સુરજગઢ એમ પાંચ ગામના સીમાડે આવેલા ખેતરપાલ દાદાના સાનિધ્યમાં નળકાંઠાના સર્વ સમાજના યુવાનોની મિટિંગ મળી હતી. આ મિટિંગમાં કોળી પટેલ, અનુસૂચિત જાતિના ભાઇઓ હાજર રહ્યાં હતાં. એક નવા આયામ પર પહોંચવા અને નળકાંઠાનો સર્વાંગી વિકાસ કરવા માટે આ બેઠકમાં સર્વે જાતીના લોકોને સાથે રાખીને એમનો આર્થિક, સામાજિક, સંસ્કૃતિક,ધાર્મિક ક્ષેત્રનો વિકાસ થાય, સામાજિક સમરસતા - સમાનતા આવે, યુવાનો જાગૃત બની વ્યસનમુક્તિ તરફ વળે, લોકોને સરકારી લાભ મળે, મહિલા જાગૃતિ વધે એ માટે ચર્ચા વિચારણા કરવામાં આવી હતી. આ મીટીંગમાં  શામજીભાઈ, સંજીવભાઈ, માધવભાઈ, રોહિતભાઈ, મહેશભાઈ, રસિકભાઈ, શૈલેષભાઇ સહીતના યુવાનો ઉપસ્થિત રહ્યા હતા.