Gujarati News

Gujarati News

News of Saturday, 27th February 2021

ટિકિટ ન મળે તો કોંગ્રેસમાં બેસી જાય,સમાજનો અન્યાય દેખાય છે ? : મંત્રી સૌરભ પટેલે અસંતુષ્ટોનો ઉધડો લીધો

જ્યારે હોદ્દા પર હોવ ત્યારે કેમ સમાજનો અન્યાય દેખાતો નથી?

સ્થાનિક સ્વરાજની ચૂંટણીના પ્રચાર પડઘન શાંત થઈ ગયા છે. પણ બોટાદમાં યોજાયેલી એક જાહેર સભામાં મંત્રી સૌરભ પટેલે અસંતુષ્ટોનો ઉધડો લીધો હતો. ટિકિટ ન મળવાના મુદ્દાને લઈને મેણાટોણા માર્યા હતા. બળવાખોરોને ટાર્ગેટ કરીને આકરી પ્રતિક્રિયા આપી હતી. જેનો એક વીડિયો સોશિયલ મીડિયામાં વાયરલ થયો હતો.

સૌરભ પટેલે કહ્યું હતું કે, સમાજના ભાગલા પાડવાની વાત ન સાંભળતા, જે વર્ષોથી ભાજપની વિચારધારાને વળગેલા હોય પણ ટિકિટ ન મળે તો કોંગ્રેસી થઈ જાય. ચાર ચાર વખત પક્ષમાંથી હોદ્દા લીધેલા હોય પણ ટિકિટ ન મળે તો કોંગ્રેસમાં જઈને બેસી જાય છે. ટિકિટ ન મળે તો સમાજનો અન્યાય દેખાય છે. જ્યારે હોદ્દા પર હોવ ત્યારે કેમ સમાજનો અન્યાય દેખાતો નથી.

થોડા સમય પહેલા સતવારા સમાજના કેટલાક આગેવાનોએ ભાજપને અલવિદા કહી દીધું હતું. પછી તેઓ કોંગ્રેસમાં જોડાઈ ગયા હતા. આ વાત સૌરભ પટેલને ગમી ન હતી. જેને લઈને જાહેર સભામાં આવા પક્ષપલટુઓ પર ચાબખા માર્યા હતા. જેનો એક વીડિયો સોશિયલ મીડિયામાં વાયરલ થયો હતો. બોટાદના તુરખા રોડ પર ભાજપની એક જાહેર સભા યોજાઈ હતી. જેમાં ભાગલા પાડતા તત્ત્વોથી દૂર રહેવા માટે ટકોર કરવામાં આવી હતી. તેમણે કહ્યું કે, વર્ષોથી વિચારધારા ભાજપની અને ટિકિટ ન મળી એટલે કોંગ્રેસી થયા, આ તે કેવી નીતિ? ચાર વખત પક્ષમાંથી હોદ્દા લીધા અને ટિકિટ ન મળી એટલે અન્યાય દેખાયો. જ્યારે હોદ્દા પર હતા ત્યારે કહેવું હતું કે, સમાજના ભાગલા ન કરો. અમારા પાટીદારોમાં થયું એવું સતવારા સમાજમાં ન થવું જોઈએ. જ્ઞાતિઓ વચ્ચે વેરઝેર કરીને રાજકારણ કરવું એ પાપ છે.

બોટાદમાં મારા કડવા પાટીદારોના 7થી 8 હજાર મત હતા. છતા હું બધાય સમાજને સાથે રાખીને કામ કરૂ છું. જોકે, સૌરભ પટેલે જ્ઞાતિવાદનું રાજકારણ કરનારાઓ ઉપર પણ પ્રહાર કર્યા છે. તેમણે કહ્યું કે, જે કોઈ એમ કહેતું હોય કે, અમને અન્યાય થયો છે તો અમે ખુલ્લા મેદાનમાં બેસીને ચર્ચા કરવા માટે તૈયાર છીએ. અમારી ભૂલ હશે તો એ સ્વીકારવા માટે પણ તૈયાર છીએ. સમાજના ભાગલા પાડે એવી રાજનીતિ ન થવી જોઈએ.

(11:25 pm IST)
  • દેશમાં કોરોનાના સતત વધતા કેસ :એક્ટિવ કેસની સંખ્યામાં પણ વધારો : રાત્રે 11 વાગ્યા સુધીમાં કોરોનાના નવા 16,019 કેસ નોંધાયા :કુલ કેસની સંખ્યા 1,10,79,094 થઇ :એક્ટિવ કેસ 1,56,413 થયા: વધુ 12,361 દર્દીઓ સ્વસ્થ થતા કુલ 1,07,61,139 થયા :વધુ 109 લોકોના મોત સાથે કુલ મૃત્યુઆંક 1,56,970 થયા access_time 1:03 am IST

  • જમ્મુ કાશ્મીરમાં આતંકવાદ સામે લડનારા સેનાના અધિકારીઓ અને જવાનોને સન્માન : એનાયત કરાયા: વીરતા પદક એનાયત કરીને તેના કાર્યને બિરદાવ્યું access_time 12:48 am IST

  • ચીનમાં માનવાધિકારની સ્થિતિ પર સંયુક્ત રાષ્ટ્ર સંઘે વ્યક્ત કરી ચિંતા : કહ્યું કે સમીક્ષા કરવી જરૂરી :સંયુક્ત રાષ્ટ્રસંઘના પ્રમુખે કહ્યું કે ચીનના શિનજિયાંગ ક્ષેત્રમાં માનવાધિકારની સ્થિતિની સમીક્ષા કરવી જરૂરી છે : એમ પણ કહ્યું કે ચીનમાં કાર્યકર્તાઓ,વકીલો અબે માનવાધિકારના રક્ષકો પર જુઠા કેસ ચલાવી બંદી બનાવ્યા છે access_time 12:53 am IST