Gujarati News

(ભરત શાહ દ્વારા) રાજપીપળા : રાજપીપળા નિવાસી અને અમેરિકામાં વસવાટ કરતા અસિતભાઈ બક્ષી વિદેશમાં રહીને પણ પોતાના દેશ અને વતન માટે ખાસ લાગણી રાખતા હોવાથી અને પોતાના ગામ રાજપીપળા ના લોકોની વ્હારે હમેંશા ઉભા રહી મદદરૂપ થતા આવ્યા છે, અત્યારસુધી અનેક જરૂરિયાતમંદ લોકોને તેમના દ્વારા જરૂરી ચીજ વસ્તુઓ વિના મૂલ્યે આપી લોકોની જરૂરિયાત સંતોષી છે જેમાં તાજેતરમાં પણ રાજપીપળા ના 10 જેવા વિકલાંગ ને તેમની કેટલીક રોજિંદી ક્રિયા જાતે કરી શકે તે માટે વ્હીલચેર આપી માનવતાનું એક ઉત્તમ ઉદાહરણ પાર પડ્યું હતું.

અગાઉ પણ અસિતભાઈ એ ઘણા વ્યક્તિઓને ફ્રીઝ, ટીવી,ટેબલ,ખુરશી, વાસણો, રેશન કીટ સહિત અનેક વસ્તુઓ ભેટ કરી છે ત્યારે હાલમાં વિકલાંગ વ્યક્તિઓને વ્હીલચેર આપી સહાનુભૂતિ બતાવી છે.