Gujarati News

Gujarati News

News of Friday, 28th August 2020

ઇજનેરી ક્ષેત્રે સર્વોત્તમ સિધ્ધી : મેટ્રો રેલ પ્રોજેકટ માટે ૬ાા કિ.મી.ની ટનલ તૈયાર

જમીનની સપાટીથી ૧૮ મીટરની ઉંડાઇ : રૂપાણીએ શાબાશી આપી

(અશ્વિન વ્યાસ દ્વારા) ગાંધીનગર તા. ૨૮ : અમદાવાદ મેટ્રો રેલ પ્રોજેકટના ફેઝ-૧ પૈકી ૬.૫ કિ.મી.ની લંબાઇ ધરાવતી એપરેલ પાર્કથી શાહપુર – સાબરમતી નદી પહેલા સુધીની ૫.૮ વ્યાસની એક અપલાઇન અને એક ડાઉન લાઇનની એમ જોડીયા ભુગર્ભ ટનલનું કામ પૂર્ણ કરવામાં આવ્યું છે. કોરોના મહામારી વચ્ચે પણ લોકડાઇન સમયે આ અત્યંત વિશિષ્ટ પ્રકારની ઇજનેરી કૌશલ્ય ધરાવતી ભુગર્ભ ટનલનું ભારતીય ઇજનેરો અને ભારતીય કંપની દ્વારા ખાસ મશીનરીનું ખાસ ઉપયોગ કરીને પૂર્ણ કરવામાં આવ્યું છે તે ગુજરાત માટે ઇજનેરી ક્ષેત્રે ઐતિહાસિક સિદ્ઘિ સમાન છે તેમ મુખ્યમંત્રીશ્રી વિજયભાઇ રૂપાણીએ જણાવ્યું હતું. ઙ્ગ

વર્લ્ડ હેરિટેજ સિટી તરીકેની ઓળખ ધરાવતા અમદાવાદ શહેરના ગીચ વિસ્તારમાં આ કામગીરી સફળતા પૂર્વક પૂર્ણ કરાઇ છે તે બદલ ઇજનેરોને અભિનંદન આપતાં મુખ્યમંત્રીશ્રીએ કહ્યું હતું કે, આ ટનલની સરેરાશ ઉંડાઇ જમીનની સપાટીથી ૧૮ મીટર નીચે છે અને આ કામમાં ૩.૩ લાખ ઘન મીટર માટી, ૫૨,૩૦૦ ઘનમીટર ક્રોંકીંટ, આશરે ૨ લાખ મનુષ્ય દિવસ અને ૪ હજાર ક્રોકીંટ રીંગ સહાયક સિસ્ટમનો ઉપયોગ કરવામાં આવ્યા છે. ઙ્ગ

તેમણે કહ્યું હતું કે, ગુજરાત મેટ્રો રેલ કોર્પોરેશન દ્વારા હાથ ધરાયેલી ૪૦ કિ.મી.ની અમદાવાદ મેટ્રો રેલ પ્રોજેકટ ફેઝ-૧ના પૈકી ૬.૫ કિ.મી. લંબાઇની આ વિશિષ્ટ પ્રકારની ટનલ તૈયાર કરવા આધુનિક ચાર ટનલ બોરિંગ મશીનોનો ઉપયોગ કરવામાં આવ્યો છે. આ ટનલનું કામ ઝડપી પૂર્ણ કરવા કોરોનાના કારણે પોતાના વતન ગયેલા વિશેષ કૌશલ્ય ધરાવતા ઓડિશાના શ્રમિકોને હવાઇ માર્ગે પરત લાવીને તેમની મદદથી આ કામ પૂર્ણ કરવામાં આવ્યું છે. મુખ્યમંત્રીશ્રીએ આ સિદ્ઘિ બદલ ટ્વીટ કરીને ભારતીય ઇજનેરી કૌશલ્યને બિરદાવ્યું હતું. ઙ્ગ

અત્રે ઉલ્લેખનીય છે કે, મુખ્યમંત્રી ડેશબોર્ડના માધ્યમથી અમદાવાદ મેટ્રો રેલ પ્રોજેકટ – ટનલનું સતત મોનિટરિંગ કરવામાં આવી રહ્યું છે.

(3:42 pm IST)