Gujarati News

Gujarati News

News of Saturday, 28th November 2020

અમદાવાદ-મુંબઈ બુલેટ ટ્રેન માટે ૨૪,૦૦૦ કરોડથી વધુનો લાર્સન એન્ડ ટુબ્રોને સિવિલ કોન્ટ્રાક્ટ અપાયો

ગુજરાતમાં ૩૨૫ કિલોમીટરના કામ માટે લાર્સન એન્ડ ટુબ્રોને કોન્ટ્રાક્ટ આપ્યો

,અમદાવાદ-મુંબઈ બુલેટ ટ્રેન પરિયોજના માટે નેશનલ હાઇ સ્પીડ રેલવે કોર્પોરેશન એ ઇન્ફ્રાસ્ટ્રક્ચર ક્ષેત્રની અગ્રણી કંપની લાર્સન એન્ડ ટુબ્રોની સાથે દેશનો સૌથી મોટો ૨૪,૦૦૦ કરોડનો સિવિલ કોન્ટ્રાક્ટ કરી લીધો છે. લાર્સન એન્ડ ટુબ્રોએ જણાવ્યું છે કે તેણે કામ કરવા માટે લોકોને ગોઠવી દીધા છે. એનએચએસઆરસીએલએ ગુજરાતમાં ૩૨૫ કિલોમીટરના કામ માટે લાર્સન એન્ડ ટુબ્રોને કોન્ટ્રાક્ટ આપ્યો છે.

 વડાપ્રધાન મોદીએ આ યોજના માટે મહારાષ્ટ્રમાં જરૂરી જમીનની રાહ જોવાના બદલે ગુજરાતમાં પડનારા હિસ્સાનું કામ ઝડપથી પૂરું કરવા કહ્યું હતું. દેશની અગ્રણી ઇન્ફ્રાસ્ટ્રક્ચર કંપની લાર્સન એન્ડ ટુબ્રોએ ગુરુવારે જણાવ્યું હતું કે તેને મુંબઈ-અમદાવાદ બુલેટ ટ્રેન પ્રોજેક્ટ માટેના એક હિસ્સાના બાંધકામ માટે ૭,૦૦૦ કરોડથી વધારે રકમનો કોન્ટ્રાક્ટ મળ્યો છે. કંપનીએ જો કે કોન્ટ્રાક્ટની નાણાકીય વિગતો આપવાનો ઇન્કાર કર્યો હતો. કંપનીએ શેરબજારને જણાવ્યું હતું કે એનએચએસઆરસીએલ તરફથી તેને ૮૭.૫૬૯ કિલોમીટર લાંબો રેલવે ટ્રેક બિછાવવા કોન્ટ્રાક્ટ મળ્યો છે. આ રેલવે ટ્રેક અમદાવાદથી વડોદરા વચ્ચે બિછાવવાનો છે. તેમા એક સ્ટેશન, નદીઓ પરના પુલ અને ટ્રેનની જાળવણી માટે ડેપો તથા અન્ય સહાયક નિર્માણ કાર્ય માટેનો કોન્ટ્રાક્ટ મળ્યો છે.
   આમ લાર્સન એન્ડ ટુબ્રો પાસે અમદાવાદથી વડોદરા વચ્ચેના ૮૭ કિલોમીટરના ટ્રેક અને વડોદરાથી વાપી સુધીના ૨૩૭ કિલોમીટરના ટ્રેકનો કોન્ટ્રાક્ટ મળ્યો છે. આ રુટના નિર્માણ માટે ગુરુવારે નેશનલ હાઇસ્પીડ કોર્પોરેશન અને લાર્સન વચ્ચે થયેલા કરારમાં જાપાનના રાજદૂત સંતોષી સુઝુકી, રેલવે બોર્ડના ચેરમેન વીકે યાદવ, એનએચએસઆરસીએલના મેનેજિંગ ડિરેક્ટર અચલ ખરે, લાર્સનના સીઇઓ અને એમડી એસએન સુબ્રમણ્યમ અને નીતિ આયોગના અધિકારીઓ હાજર હતા. કંપની આ રુટ પર ડિસેમ્બરના પ્રથમ સપ્તાહમાં કામ શરૂ કરી દેશે. આ કામ નવેમ્બર ૨૦૨૪ સુધી પૂરું કરવામાં આવશે.
આ રુટ પર સુરત સહિત ચાર સ્ટેશનો બનાવવામાં આવશે. તેમા સુરતનો મેઇન્ટેનન્સ ડેપો સામેલ છે. આ સિવાય લાર્સન એન્ડ ટુબ્રો આ રુટ પર ૧૪ રિવર બ્રિજ, ૪૨ રોડ ક્રોસિંગ, છ રેલવે ક્રોસિંગ બનાવશે. ભરૂચ અને વડોદરા વચ્ચે ૩૫૦ મીટર લાંબી પહાડી સુરંગ પણ બનાવવામાં આવશે.

(9:21 pm IST)
  • ખેડૂતોની ગર્જના : માંગણી નહિ સંતોષાય તો દિલ્હીનો મેઇન હાઇવે જામ કરી દેશું : કૃષિ ખરડાને લઇને ખેડૂતોનો વિરોધ વધી રહ્યો છે : પંજાબ-હરિયાણા-યુપીના ખેડૂતોએ કહ્યું છે કે જો અમારી વાત નહિ સ્વીકારાય તો અમે દિલ્હીનો મુખ્ય હાઇવે જામ કરી દેશું: કાલે મોટાપાયે વિરોધ પ્રદર્શનની તૈયારી થઇ રહી છે access_time 3:19 pm IST

  • ભડકાઉ ભાષણ દેવા બદલ અક્બરુદીન ઓવેસી અને તેલંગણા ભાજપ અધ્યક્ષ બાંદી સંજય વિરુદ્ધ કોર્ટ કેસ : હુસેન સાગર તળાવના કાંઠે મુકાયેલી પૂર્વ વડાપ્રધાન પી.વી.નરસિંહરાવ ,તથા એન.ટી.રામરાવની સમાધિ હટાવી દેવાની ચીમકી મુદ્દે બબાલ : હૈદરાબાદ મ્યુનિ. કોર્પોરેશન ચૂંટણી પ્રચારમાં સામસામા ભડકાઉ નિવેદનો કર્યા access_time 6:08 pm IST

  • દેશમાં કોરોનાથી મૃત્યુઆંક 1.36 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 39,414 કેસ નોંધાયા:કુલ કેસનો આંકડો 93,49,285 થયો :એક્ટીવ કેસ 4, 53,436 થયા: વધુ 39,815 દર્દીઓ સ્વસ્થ થતા કુલ 87,57,524 રિકવર થયા :વધુ 438 લોકોના મોત સાથે કુલ મૃત્યુઆંક 1,36,190 થયો access_time 11:58 pm IST