News of Saturday, 6th August 2022
મહેમદાવાદ તાલુકામાં કતલખાને લઇ જવાતા બે બળદોને ગૌરક્ષકોએ ઝડપી પાડયા
નડિયાદ : મહેમદાવાદ તાલુકાના નવચેતન મહુધા રોડ પરથી બે બળદોને કતલના ઇરાદે કુરતાપૂર્વક બાંધીને લઈને જતા બે શખ્સોને ગૌરક્ષકોએ ઝડપી પાડી પોલીસને હવાલે કર્યા હતા.
પોલીસ સુત્રોના જણાવ્યા મુજબ મહેમદાવાદના ગૌરક્ષક દળના સભ્યોએ બાતમી આધારે નવચેતન પાટિયાથી મહુધા રોડ તરફ બે બળદોને ટૂંકા દોરડાથી કુરતાપૂર્વક બાંધી લઈને ચાલતા જતાં શખ્સોની પૂછપરછ કરી હતી.
તેમની પાસે બળદ ખરીદી કર્યાનો સક્ષમ અધિકારીનો દાખલો મળી આવ્યો ન હતો. આ બંને શખ્સો સરફરાજ હુસેન મોહમ્મદ હુસૈન મલેક (રહે. મહુધા ફીણાવ ભાગોળ) તથા નવીભાઈ પુંજાભાઈ ચૌહાણ (રહે. રામ ના મુવાડા, મહુધા) ના હોવાનું જણાવ્યું હતું. આ બંને શખ્સને બે બળદો કિંમત રૂ. ૨૪,૦૦૦ સાથે મહેમદાવાદ પોલીસને હવાલે કરવામાં આવ્યા હતા.
(5:10 pm IST)