ગણપત યુનિવર્સિટીના આંગણે કાલથી ૩૬મો ઇન્ટર યુનિ.વેસ્ટઝોન યુથ ફેસ્ટીવલ
બે હજારથી વધુ કલારસીકો કલા પીરસશે
(કેતન ખત્રી) અમદાવાદઃ તા.૧૦થી ૧૪, ફેબ્રુઆરી દરમિયાન ગણપત યુનિવર્સિટીના યજમાનપદે ઉજવાશે રાષ્ટ્રીયકક્ષાનો ૩૬મો ઇન્ટર-યુનિવર્સિટી વેસ્ટ-ઝોન યુથ ફેસ્ટિવલ જેમાં ગુજરાત, મહારાષ્ટ્ર અને ગોવાની ૩૯ યુનિવર્સિટીના ૨૦૦૦થી વધુ કલા-રસિક વિદ્યાર્થીઓ સહભાગી બની પોતાની કલા-પ્રતિભાનું પ્રદર્શન કરશે!
ધી એસોસિએશન ઓફ ઇન્ડિયન યુનિવર્સિટીઝ એ.આઇ.યુ દ્વારા છેક ૧૯૮૫થી દર વર્ષે નેશનલ લેવલે અને ઝોનલ લેવલે આયોજન થાય છે, જે આ વર્ષે ગણપતિ યુનિ.ના સતરંગ યુથ ફેસ્ટિવલ તરીકે ગણપત વિદ્યાનગરના આંગણે પુરા પાંચ દિવસ દરમિયાન રંગે-ચંગે ઉજવાશે
તા.૧૦થી ૧૪ દરમિયાન ઉજવાઇ રહેલા આ યુનિ.ફેસ્ટમાં મહત્વના પાંચ કલા-ઉત્સવો ઉજવાશે જે વિવિધ પાંચ કલાના ક્ષેત્રોને આવરી લેશેઃ મ્યુઝિક ઇવેન્ટસ(સંગીત), ડાન્સ ઇવેન્ટસ(નૃત્ય), લિટરરી ઇવેન્ટસ(સાહિત્ય), થિયેટર ઇવેન્ટસ(નાટય), ફાઇન-આર્ટ ઇવેન્ટસ(ચિત્રકલા). ગુજરાત, મહારાષ્ટ્ર અને ગોવા પ્રદેશના વેસ્ટ ઝોનના ત્રણ મહત્વના રાજયોની ૩૯ યુનિવર્સિટીના જે ૨૦૦૦ જેટલા કલાકાર વિદ્યાર્થીઓ આ યુવા કલા મહોત્સવમાં ભાગ લઇ રહયા છે