અમદાવાદના રામોલ ટોલ ટેક્ષ નજીક સર્જાયેલ ગમખ્વાર અકસ્માતમાં નુકશાન વળતરની માંગ કરતા યુવકની હત્યા કરનાર ડ્રાઈવરની ધરપકડ
અમદાવાદ:રામોલ ટોલ ટેક્ષ પાસે વાહન અકસ્માત સર્જાયો હતો. જેમાં જીપ ચાલકે નુકસાન માંગતા તેને ટ્રકના વ્હીલ નીચે કચડી મોતને ઘાટ ઉતારી ટ્રકનો ડ્રાઇવર ફરાર થઇ ગયો હતો. પોલીસે સીસીટીવી ફૂટેજ આધારે તેની ધરપકડ કરી છે.
આ કેસની વિગત એવી છે કે ખેડા જિલ્લાના નડીયાદ તાલુકાના ફતેપુર ગામમાં રહેતા અલ્પેશભાઇ પરમારના કાકાનો દિકરો રાજેશ પરમારની રામોલ ટોલ ટેક્ષ પાસે હત્યા કરવામાં આવી હતી જેમાં ચાર દિવસ પહેલા મૃતક મહેસાણાથી જીપ લઇને નડિયાદ તરફ જઇ રહ્યા હતા આ જ્યાં રામોલ ટોલટેક્ષ પર લાઇનો લાગેલી હતી. આ સમયે તેમની જીપને પાછળથી ટ્રક ચાલકે ટક્કર મારતા જીપને નુકસાન થયું હતું. જેથી તકરાર થતાં ટોલટેક્ષના કર્મચારીઓએ વાહન આગળ ઉભા રાખીને વાતચીત કરવાનું કહ્યું હતું, બીજીતરફ ટ્રકના ચાલક પાસે રૃા. ૧૦, ૦૦૦ નુકસાનના પૈસાની વાત કરી હતી જયાં જીપનો ચાલક આગલ જીપ લઇને ઉભો હતો જ્યાં ટ્રકનો ચાલક પોતાનું વાહન ધીમું પાડીને ભાગી રહ્યો હતો જેથી યુવકે વાહન રોકવા પ્રયાસ કરતાં ટ્રકનો ચાલક વ્હીલ નીચે કચડીને યુવકની હત્યા કરીને નાસી ગયો હતો આ બનાવ અ ંગે રામોલ પોલીસે હત્યાનો ગુનો નોધી સીસીટીવી ફૂટેજ આધારે ટ્રકનો નંબર મેળવીને રાજસ્થાન બિકાનેર ખાતે રહેતા ટ્રક ચાલક રામકુમાર સ્વામીની ધરપકડ કરી હતી.