વડોદરામાં કારેલીબાગ વિસ્તારમાં એક જ પરિવારના 3 બેંક એકાઉંટમાંથી એક સાથે 7 લાખ ઉપડી જતા પોલીસ ફરિયાદ
વડોદરા: શહેરમાં બેંક ગ્રાહકો સાથે ઓનલાઇન છેતરપિંડીના બની રહેલા એક પછી એક બનાવોમાં કારેલીબાગ વિસ્તારમાં એક જ પરિવારના 3 બેંક એકાઉન્ટમાંથી રૂ.7 લાખ ઉપડી ગયા હોવાનો બનાવ બન્યો છે.
કારેલીબાગની અધ્યાપક નગર સોસાયટીમાં રહેતા અને મ્યુચ્યુઅલ ફન્ડ ઇન્વેસ્ટમેન્ટને લગતું કામ કરતા હેમંત મુંધોલકરે પોલીસને જણાવ્યું છે કે, તા. 14 મી ઓગસ્ટે હું મોબાઈલ ઉપર નેટ સર્ચ કરતો હતો ત્યારે મારૂ નેટ ચાલુ નથી થતું હોવાથી મને શંકા ગઈ હતી.
મેં મારા મોબાઈલના મેસેજો તપાસતા તા 12મીએ મારો મોબાઇલ નંબર અલ્ટરનેટ ચેન્જ કરવા માટે મેસેજ આવ્યો હતો. હકીકતમાં મોબાઇલ નંબર અલ્ટરનેટ ચેન્જ કરવા માટે મેં કોઈ રિક્વેસ્ટ આપી ન હતી પરંતુ તેમ છતાં મારો મોબાઇલ નંબર ચેન્જ કરવા માટે પ્રક્રિયા થઈ હતી. ત્યારબાદ બીજા દિવસે તા.13મીએ મારો મોબાઇલ નંબર ચેન્જ થયો હોવાનો મને મેસેજ મળ્યો હતો. આ બંને મેસેજ મેં વાંચ્યા નહીં હોવાથી મારો મોબાઇલ નંબર ચેન્જ થઈ ગયો હતો.