પિતાએ સાવકી દીકરી પર બળાત્કારનો પ્રયાસ કર્યો

માતાએ ફરિયાદ નોંધાવતા આપઘાત કર્યો : માતાએ પોલીસમાં ફરિયાદ નોંધાવતા ધરપકડ અને સમાજમાં આબરૂ જવાની બીકે સાવકા પિતાનો આપઘાત

નવસારી,તા.૧૭  : નવસારી જિલ્લાના ગણદેવી તાલુકામાં પિતાએ તેની સાવકી પુત્રી ઉપર દાનત બગાડી હતી અને ઘરમાં માતાની ગેરહાજરીમાં દીકરી સાથે દુષ્કર્મનો પ્રયાસ કર્યો હતો. જે બાદ માતાએ ગણદેવી પોલીસમાં ફરિયાદ નોંધાવતા ધરપકડ અને સમાજમાં આબરૂ જવાની બીકે સાવકા પિતાએ આપઘાત કરી લીધો હતો. બનાવની જાણ થતાં સ્થાનિક પોલીસનો કાફલો ઘટનાસ્થળે પહોંચ્યો હતો અને સમગ્ર મામલે વધુ તપાસ હાથ ધરી હતી.

મીડિયા રિપોર્ટ અનુસાર ગણેદવી તાલુકાના એક ગામમાં રહેતા શખ્સે પોતાની સાવકી પુત્રીને નગ્ન કરીને તેનું મોઢું દબાવીને દુષ્કર્મનો પ્રયાસ કર્યો હતો. જો કે, યુવતીની માતાએ આવીને પિતાને દુર ખસેડ્યો હતો. ત્યારબાદ ગણદેવી પોલીસ સ્ટેશનમાં ફરિયાદ નોંધાવી હતી. જેતી પોલીસ નરાધમ પિતાની ધરપકડ કરે તે પહેલા જ આપઘાત કરી લીધો હતો. સૂત્રો પાસેથી પ્રાપ્ત માહિતી અનુસાર કલ્પનાબેન (નામ બદલ્યું છે)ના ૫ વર્ષ પહેલા અક સાથે બીજા લગ્ન થયા હતા. જેમાં પ્રથમ લગ્નથી કલ્પનાબેનને એક દીકરી છે ત્યારે પાંચ વર્ષથી દીકરી તરીકે રાખતા શખ્સે અચાનક સાવકી દીકરી પર નજર બગાડી હતી અને માતાની ગેરહાજરીમાં દુષ્કર્મનો પ્રયાસ કર્યો હતો, પરંતુ માતાએ આવીને તેને બચાવી લીધી હતી જ્યારે સાવકો પિતા ત્યાંથી ભાગી ગયો હતો.

જેથી માતાએ ગણદેવી પોલીસ સ્ટેશન પહોંચીને પતિ સામે ફરિયાદ નોધાવતા પોલીસ દ્વારા કાર્યવાહી હાથ ધરવામાં આવી હતી. પરંતુ પોલીસ ધરપકડ કરે તે પહેલા જ સમાજમાં આબરૃં જવાના ડરથી ખેતરમાં જઈને જીવન ટૂંકાવી લીધું હતું. ઘટનાને પગલે સમગ્ર વિસ્તારમાં ચકચાર મચી જવા પામી છે. જ્યારે પોલીસે મૃતદેહનો પોસ્ટમોર્ટમ માટે હોસ્પિટલ ખસેડીને આગળની કાર્યવાહી હાથ ધરી હોવાનું જાણવા મળ્યું છે.