ડેડીયાપડાથી પારસી ટેકરા વચ્ચે આવેલ ધામણ ખાડીના પુલનું કામ શરૂ થતા સ્થાનિકોમાં આનંદ

(ભરત શાહ દ્વારા) રાજપીપળા : ડેડીયાપાડા થી પારસી ટેકરા વચ્ચે આવેલ ધામણખાડીના પુલની કામગીરી ચાલુ કરવામાં આવી છેલ્લા ઘણા વર્ષોથી આ ખાડી ઉપર પુલ બનાવવા સ્થાનિકો દ્વારા માંગ કરવામાં આવી રહી હતી કેમકે ચોમાસા દરમિયાન ખાડી પર પાણી ફરી વળતા વાહન લઈ જવું ખૂબ કઠિન અને જોખમી હતું ત્યારે ઘણા લાંબા સમય બાદ હાલમાં આ પુલ મંજુર થતા તેમજ હાલમાં પુલની કામગીરી પણ શરૂ કરવામાં આવી હોવાથી સ્થાનિકોમાં આનંદ જોવા મળી રહ્યો છે.માટે આવનાર ચોમાસામાં વાહન ચાલકો અને રાહદારીઓને મોટી રાહત થશે તેમ સ્થાનિકો દ્વારા જણાવવામાં આવ્યું છે.