સાપુતારા પ્રવાસીઓથી ઉભરાયું :વાહનોના ખડકલા : ટોલબુથ પર વાહનોની 5 કિમી લાંબી લાઈન લાગી

સાપુતારા :  કોરોના લોલડાઉન અનલોક થતાંજ રાજ્યનું એકમાત્ર ગિરિમથક સાપુતારા ખાતે પ્રવાસીઓથી ઉભરાય જતા વાહનોના ખડકલા સાથે ટોલબુથ પર વાહનોની 5 કિમી લાંબી લાઈનો લાગતા ઠેરઠેર ટ્રાફિક જામના દ્રશ્યો સર્જાયા હતા.
કોરોના મહામારી વચ્ચે ઉભી થયેલી લોકડાઉન ની પરિસ્થિતિ બાદ રાજ્યમાં અનલોક થતા ગિરિમથક સાપુતારા ખાતે શનિ રવિવાર ના વિકેન્ડ માં પ્રવાસીઓનો કીડીયારું ઉમટી પડતા નાની મોટી હોટલો હાઉસફુલના પાટિયા ઝૂલી ઉઠ્યા હતા.1લી જૂને શરૂઆત થયેલ વરસાદને પગલે ચારેતરફ ડુંગરો હરિયાળીથી છવાય જતા દિવસભર ગાઢ ધૂમમ્સ શહેરીજનોને આકર્ષી રહ્યા હતા.

રવિવારે પણ સમયાંતરે વરસાદે હાજરી પૂરતા પ્રવાસીઓનો આનંદ બેવડાયો હતો.પ્રવાસીઓનો ભારે ભીડ ને પગલે કોરોના ની ગાઈડ લાઈન ની સોસીયલ ડિસ્ટનસિંગ નો અભાવ અને માસ્ક વગર સરેઆમ ઉલ્લંઘન થતું જોવા મળ્યું હતું.જોકે વહીવટી તંત્ર દ્વારા સાપુતારાની એડવેન્ચર એક્ટિવિટી,સહિત બોટિંગ,રોપવે,સહિત જોવા લાયક સ્થળોએ જવા પ્રતિબંધ લગાવ્યો છે. સાપુતારા ની તળેટીમાં આવેલ માલેગામ ટોલ બુથ પર વાહનોની 5 કીમી લાંબી કતાર લાગતા પ્રવાસીઓ ની હાલત કફોડી બની હતી.સાપુતારા સ્વાગત સર્કલ પાર્કિંગ,મ્યુઝિયમ,બોટિંગ,સનસેટ,સનરાઈઝ,ટેબલ પોઇન્ટ વિસ્તારોમાં વાહનોનો ખડકલો થતા વાહન ચાલકોને વાહન હંકારવા ભારે કસરત કરવી પડી હતી. કોરોના મહામારી બાદ ઘણા સમય બાદ સાપુતારા ખાતે ઉમટી પડેલ જનમેદની ના પગલે સરકારી ખાનગી હોટલો હાઉસફુલ થઈ જતા હોમસ્ટે ના ઓથા હેઠળ ચાલતા ખાનગી બંગલાધરકોએ ત્રણ ગણા ભાડું લઇ સહ પરિવાર સાથે આવેલ પ્રવાસીઓનો મજબૂરીનો લાભ લેવા કોઈ કસર બાકી રાખી ન હતી.જેના કારણે સાપુતારા સ્થાનિક વહીવટી તંત્રની ખાનગી બંગલાઓ પર કોઇ અંકુશ ન હોય પ્રવાસીઓમાં નારાજગી જોવા મળી હતી. જોકે સાપુતારા ખાતે પ્રવાસીઓની સુરક્ષા માટે જિલ્લા પોલીસ વડા રવિરાજસિંહ જાડેજાએ તમામ સ્થળોએ હોમગાર્ડ,સહિત પોલીસ જવાનોને તૈનાત કરી બંદોબસ્ત ગોઠવ્યો હતો