News of Wednesday, 21st July 2021
વલસાડના તિથલ દરિયાકિનારે મહાકાય ટેન્ક તણાઈ આવી
કોઈ શંકાસ્પદ હિલચાલ ના હોય તે તપાસવા વહીવટી તંત્ર ટેન્ક તણાઈ આવવાની ઘટનાથી દોડતું થઇ ગયું હતું.
(કાર્તિક બાવીશી દ્વારા ) વલસાડના તિથલ દરિયા કિનારે અવારનવાર જહાજમાંથી કિંમતી ચીજવસ્તુઓ તણાઈ આવવાની ઘટનાઓ બનતી હોય છે. ત્યારે આજરોજ તિથલ સાઈબાબા મંદિર નજીક જહાજમાંથી મોટી ટેન્ક તણાઈ આવી હતી. જે મંદિરમાં દર્શનાર્થે આવેલા લોકોએ જોઈ હતી. આ ટેન્ક જહાજમાં કેમિકલ કે ડીઝલ ભરવા માટે ઉપયોગમાં લેવાતી હોવાનું અનુમાન છે. દરિયાઈ ભરતીમાં વિશાળ ટેન્ક તણાઇ આવી હોવાના કારણે કેટલાક લોકો ટેન્ક નજીક સેલ્ફી લેવા પણ પહોંચી ગયા હતા. બીજી તરફ કોઈ શંકાસ્પદ હિલચાલ ના હોય તે તપાસવા વહીવટી તંત્ર ટેન્ક તણાઈ આવવાની ઘટનાથી દોડતું થઇ ગયું હતું.
(11:39 am IST)