ગુજરાત
News of Saturday, 21st November 2020

સુરતના હજીરાપટ્ટીની સ્ટીલ કંપની નજીક દિવાળીના દિવસોમાં દીપડો જોવા મળતા ગ્રામજનોમાં ભયનો માહોલ

સુરત: શહેરમાં હજીરાપટ્ટીની સ્ટીલ કંપનીના કમ્પાઉન્ડમાં દિવાળીના દિવસોમાં દીપડો દેખાતા ગ્રામજનોમાં ભયનું મૌજુ ફરી વળ્યુ હતુ. વન વિભાગ દ્વારા દીપડાને પાંજરે પુરવા માટે અલગ અલગ ત્રણ જગ્યાએ પાંજરા મુક્યા છે.

સુરત જિલ્લામાં જોવા મળતા દીપડામાંથી દિવાળીના દિવસોમાં હજીરાપટ્ટીની આર્સેલર મીત્તલ નીપોન સ્ટીલ કંપનીની દિવાલ  નજીક એક દીપડો ફરતો દેખાતો સીસીટીવી કેમેરામાં કેદ થયો હતો. આ વાત કંપનીમાં તથા હજીરા ગ્રામજનોમાં ભયનું મૌજુ ફરી વળ્યુ હતુ. ગ્રામજનો દ્વારા જંગલ વિભાગને જાણ કરવામાં આવતા તુરંત કંપનીની અંદર દીપડાને પકડવા માટે ત્રણ પાંજરા મુકવામાં આવ્યા છે. જો કે હજુ સુધી દીપડો પાંજરે પુરાયો નથી. પરંતુ ખુંખાર દીપડાને કારણે ગ્રામજનોમાં ડરનો માહોલ જોવા મળ્યો છે.

(5:12 pm IST)