Gujarati News

Gujarati News

News of Friday, 1st October 2021

દારૂના નશામાં શારીરિક સંબંધ દરમિયાન ભાન ભૂલ્યો શખ્સઃ પ્રેમિકાનું થયું મોત

૩૨ વર્ષીય સેમ પાયબસને તેની પ્રેમિકા સોફી મોસની હત્યાના કેસમાં ચાર વર્ષ અને આઠ મહિનાની સજા સંભળાવવામાં આવી

લંડન,તા. ૧: ઈંગ્લેન્ડના ડાર્લિંગટનમાં એક પરિણીત શખસે દારૂના નશામાં પોતાની પ્રેમિકા સાથે શારીરિક સંબંધ બાંધતી વખતે એ રીતે તેનું ગળું દબાવ્યું કે પ્રેમિકાનું મોત થઈ ગયું હતું. આ મામલામાં પહેલા તેને ચાર વર્ષ અને આઠ મહિનાની સજા સંભળાવવામાં આવી હતી જેને હવે એટોર્ની જનરલના હસ્તક્ષેપથી વધારવામાં આવી શકે છે.

હકિકતમાં ૩૨ વર્ષીય સેમ પાયબસને તેની પ્રેમિકા સોફી મોસની હત્યાના કેસમાં ચાર વર્ષ અને આઠ મહિનાની સજા સંભળાવવામાં આવી હતી. ત્યારબાદ તેને જેલ ભેગો કરવામાં આવ્યો હતો. પાયબસના હાથે જેનું મોત થયું છે તે ૩૩ વર્ષીય મહિલા બે બાળકોની માતા હતી.

ટેસાઈડ ક્રાઉન કોર્ટે જણાવ્યું હતું કે, પાયબસે ફેબ્રુઆરીમાં ડાર્લિંગટનમાં પોતાના ફ્લેટમાં ૨૪ બોટલ બીયર પીધા બાદ પોતાની પ્રેમિકા સાથે સેકસ માણ્યું હતું. આ દરમિયાન તેણે પોતાની પ્રેમિકાના ગળા પર એટલું બધું દબાણ બનાવ્યું હતું કે તેનું મોત થયું હતું.

એટર્ની જનરલ કચેરીના પ્રવકતાએ જણાવ્યું હતું કે હું પુષ્ટી કરી શકું છું કે એટર્ની જનરલે સમ પાયબસની સજાને અદાલતમાં ફરીથી અપીલ માટે મોકલી દીધી છે કેમ કે આ અયોગ્ય રીતે ઉદાર નિર્ણય હતો. જોકે, હવે અદાલતે નક્કી કરવાનું છે સજા વધારવી જોઈએ કે નહીં. જસ્ટિસ પોલ વોટસન કયુસીએ પાયબસને ચાર વર્ષ અને આઠ મહિનાની સજા સંભળાવી હતી.

કોર્ટમાં કેસની સુનાવણી દરમિયાન કહેવામાં આવ્યું હતું કે, પાયબસ બાદમાં જાગ્યો હતો અને તેણે મોસને નગ્ન અને બેભાન અવસ્થામાં જોઈ હતી પરંતુ તેણે ઈમર્જન્સી નંબર ડાયલ કર્યો ન હતો. પોલીસ સ્ટેશન જતા પહેલા ૧૫ મિનિટ સુધી પોતાની કારમાં રાહ જોઈ હતી.

પોસ્ટમોર્ટમમાં ખ્યાલ આવ્યો હતો કે દોષિતે ઘણા સમય સુધી મહિલાના ગળા પર એટલું દબાણ કર્યું હતું જેના કારણે તેનું મોત થયું હતું. જોકે, મૃત મહિલાના શરીર પર ઈજાના અન્ય કોઈ નિશાન કે તેની સાથે હિંસા થઈ હોય તેવા કોઈ પૂરાવા ન હતા. 

(9:59 am IST)