Gujarati News

Gujarati News

News of Wednesday, 2nd September 2020

અમેરિકામાં એમેઝોન આપશે હવે ગ્રાહકોને ડ્રોન ડિલિવરી

નવી દિલ્હી: અમેરિકાના એવિએશન વિભાગે એમેઝોનને ડ્રોનથી પ્રોડક્ટની ડિલિવરી કરવાની પરવાનગી આપી દીધી છે. એમેઝોન આકાશના માર્ગે સામાન ગ્રાહકના ઘરે પહોંચાડશે. આર્ટિફિશિયલ ઈન્ટેલિજન્સનું એક નવું પ્રકરણ આલેખાશે. ડ્રોનથી પ્રોડક્ટની ડિલિવરી થશે તે સાથે જ ઈ-કોમર્સ ક્ષેત્રે નવી ક્રાંતિ આવશે.એમેઝોન 201૩થી ડ્રોનની મદદથી ડિલિવરી કરવાના પ્રયોગો કરે છે. એમેઝોને હાથ ધરેલા પાયલટ પ્રોજેક્ટ્સને સફળતા મળી ચૂકી છે. ટૂંક સમયમાં અમેરિકામાં કંઈક આવી રીતે ડિલિવરી થશે. ગ્રાહક ઓનલાઈન ઓર્ડર પ્લેસ કરશે. કંપની ઓનલાઈન ઓર્ડરને અપ્રૂવ કરશે. એ પછી સામાન ડ્રોનમાં મૂકીને લોક કરી દેવાશે. ગ્રાહકને મોબાઈલમાં ઓટીપી અપાશે. ડ્રોન ગ્રાહકના ઘરે પહોંચશે એ વખતે ગ્રાહકે ઓટીપી નાખીને ડ્રોનમાં સીલ કરેલું બોક્સ ખોલીને પોતાનો સામાન મેળવી લેવાનો રહેશે. ડ્રોનમાં ગોઠવેલા કેમેરા ગ્રાહકનો ફેસ સ્કેન કરીને માહિતી એમેઝોનના સર્વિસ સેન્ટરને આપશે. આ રીતે ડિલિવરી પૂરી થઈ ગણાશે.

(7:11 pm IST)
  • ગુંડાઓની હવે ખેર નથી : રાજયની કેબીનેટમાં ગુજરાત ગુંડા એન્ડ એન્ટી સોશ્યલ એકટીવીટી બીલ મંજૂર : ગુંડાગીરી કરનાર સામે ૧૦ વર્ષ સુધીની સજા અને ૬૦ હજારનો દંડ પણ થશે : ગુજરાત સરકાર રાજયમાં કાયદો વ્યવસ્થા સુધારવા હવે આક્રમક રૃખ અપનાવશે access_time 4:21 pm IST

  • ભારતમાં કોરોનાનો કહેર :છેલ્લા 24 કલાકમાં નવા રેકોર્ડબ્રેક 82,860 પોઝિટિવ કેસ નોંધાયા : રાત્રે 12 વાગ્યા સુધીમાં દેશમાં કોરોનાન કુલ કેસની સંખ્યા 38,48,968 થઇ :એક્ટિવ કેસ 8,13,489 : વધુ 67,874 દર્દીઓ સાજા થતા કુલ 29,67,396 રિકવર થયા : વધુ 1026 લોકોના મોત સાથે મૃત્યુઆંક 67,486 થયો access_time 12:58 am IST

  • હું નામદાર કોર્ટનો ખુબ આભારી છું કે જેણે મને મુક્ત કરવાનો આદેશ કર્યો : સંઘર્ષ સમયમાં સાથ આપનાર તમામનો આભાર : હું ઉત્તર પ્રદેશ એટીએફ નો પણ આભારી છું જેણે મુંબઈથી મથુરા લઇ જતી વખતે મારુ એન્કાઉન્ટર ન કરી નાખ્યું : જેલમાં મને સતત પાંચ દિવસ સુધી કંઈ ખાવા પીવા પણ નહોતું દીધું : યોગી સરકારે મને હેરાન કરવામાં કંઈ બાકી નથી રાખ્યું : રાષ્ટ્રીય સુરક્ષા કાનૂન હેઠળ 8 માસ સુધી જેલવાસ ભોગવ્યા બાદ કોર્ટના આદેશથી મુક્ત કરાયેલા ડો.કલીલ ખાનનું ટ્વીટ access_time 10:44 am IST