Gujarati News

Gujarati News

News of Thursday, 3rd September 2020

આને કહેવાય કાગનો વાઘ

શ્વાનને વાઘ બનાવવા ચટાપટા રંગી દીધા

મલેશિયામાં વાઘ જેવા પીળા અને કાળા પટ્ટા ધરાવતો શ્વાન જોવા મળ્યો છે. એની તસવીરો સોશ્યેલ મીડિયામાં વાઇરલ થઈ એ પછીથી પશુ વિભાગના અધિકારીઓ અને પશુપ્રેમીઓમાં ભારે રોષ વ્યાપ્યો છે. મલેશિયાના પશુ સંઘે આ ડોગીનો ફોટો ફેસબુક પર પોસ્ટ કરતાં રોષ સાથે આરોપીઓની ધરપકડ કરવાની માગણી કરી છે. ડોગીને વાઘના રંગે રંગવાની કોશિશ કરનારાઓની તપાસ કરવા ઉપરાંત તેમણે લોકોને આ શ્વાન કોનો છે એ જાણવાની પણ અપીલ કરી છે. જે આ વિશે માહિતી આપશે તેને પુરસ્કાર આપવાની ઓફર પણ કરવામાં આવી છે. વિરોધકર્તાઓના મતે જનાવરો પર ઉપયોગ કરાતો પેઇન્ટ વિષયુકત અને કદાચ હાનિકારક હોય છે.

(2:41 pm IST)