Gujarati News

Gujarati News

News of Tuesday, 4th May 2021

દક્ષિણ ચીન સમુદ્રમાં ફિલિપાઇન્સ કોસ્ટગાર્ડની પેટ્રોલિંગ ટુકડીને ચીન દ્વારા અટકાવવામાં આવી

નવી દિલ્હી: ફિલિપાઈન્સ અને ચીન વચ્ચે દરિયાઈ સીમાને લઈને વિવાદ ફરી વધ્યો છે. ફિલિપાઈન્સ કોસ્ટગાર્ડની પેટ્રોલિંગ ટૂકડીને ચીને અટકાવતા ફિલિપાઈન્સે તેનો ઉગ્ર વિરોધ કર્યો છે. ફિલિપાઈન્સ કોસ્ટગાર્ડના જવાનોને ચીને જળસીમામાં અટકાવ્યા હતા. ચીને જળસીમા વિવાદિત હોવાથી તેમાં ફિલિપાઈન્સના કોસ્ટગાર્ડનો પ્રવેશ ગેરવાજબી ગણાવ્યો હતો. પછી ફિલિપાઈન્સે આક્રમક રીતે ચીનના વલણનો વિરોધ કર્યો છે. ફિલિપાઈન્સના વિદેશમંત્રીએ સ્પષ્ટ શબ્દોમાં કહ્યું હતું કે અમારી સારપ અને દોસ્તીનો તમે આવો ફાયદો ઉઠાવો છો? કેટલી હદે યોગ્ય છે. અમારા પ્રમુખે મિત્રતાપૂર્ણ સંબંધોની નીતિ અપનાવી છે અને તમે અમારી જળસીમામાં ઘૂસીને દાદાગીરી કેમ કરો છો? ફિલિપાઈન્સના સંરક્ષણ મંત્રીએ શબ્દો ચોર્યા વગર કહ્યું હતું ચીનની લશ્કરી શક્તિ ખૂબ વધારે છે. ચીન પાસે એડવાન્સ શસ્ત્રો છે. ચીન મહાસત્તા છે તો ભલે રહ્યું, અમે અમારી સ્વતંત્રતાને જોખમમાં મૂકાવા નહીં દઈએ. અમે અમારા આત્મસમ્માન માટે જરૃર પડયે બધાં પગલાં ભરીશું.

ફિલિપાઈન્સે સત્તાવાર રીતે ચીનને મુદ્દે નોટિસ જારી કરીને ચીની કોસ્ટગાર્ડની તૈનાતીને ગેરવાજબી, આંતરરાષ્ટ્રીય કાયદાની વિરૃદ્ધમાં અને ફિલિપાઈન્સની સ્વતંત્રતાને જોખમમાં મૂકતું પગલું ગણાવ્યું હતું. જાન્યુઆરીથી ચીની નૌકાદળ અને ચીની કોસ્ટગાર્ડ સતત ફિલિપાઈન્સની જળસીમામાં ઘૂસણખોરી કરે છે. પછી ફિલિપાઈન્સના પ્રમુખે ગયા પખવાડિયે કહ્યું હતું કે જળનું પાણી લોહિયાળ બનશે પછી કદાચ વિવાદ ખતમ થશે. એવું કહીને તેમણે ચીન સાથે આરપારની લડાઈના સંકેતો આપ્યા હતા.

(5:16 pm IST)
  • રાજકોટમાં પવનનો જોર વચ્ચે ગરમીમાં આંશિક ઘટાડો : રાજકોટ શહેરમાં ૩૯.૪ ડીગ્રી, ૧૬ કિ.મી.ની ઝડપે ગરમ પવન ફૂંકાઈ રહ્યા છેઃ હવામાન ખાતાના સૂત્રોએ જણાવ્યું છે કે હજુ એકાદ બે દિવસ મહતમ તાપમાન ૪૦-૪૨ ડિગ્રીની રેન્જમાં રહેશેઃ ત્યારબાદ બે ડીગ્રીનો વધારો જોવા મળશે access_time 4:07 pm IST

  • આંધ્રપ્રદેશ સરકારે જાહેર કર્યું છે કે રાજ્યમાં કોરોના સંક્રમણ વધતા, રાજ્યમાં 5 મેં થી 14 દિવસ માટે આંશિક કર્ફ્યુ લાગુ કરવામાં આવશે : બધી દુકાનો સવારે 6 થી બપોરે 12 વાગ્યા સુધી જ ખુલી શકશે અને ફક્ત આવશ્યક સેવાઓને જ મંજૂરી આપવામાં આવશે access_time 8:38 pm IST

  • આજે પોરબંદર ઇલેક્ટ્રીક સ્મશાન ગૃહમાં 14 મૃતદેહ ને અગ્નિસંસ્કાર કરવામાં આવ્યો હતો જેમાં બે કોરોના પોઝિટિવ નો સમાવેશ થાય છે access_time 11:34 pm IST