Gujarati News

Gujarati News

News of Tuesday, 4th May 2021

ઇંગ્લેન્ડ માટે સિક્કાઓ બનાવનાર 'ધ રોયલ મિન્ટ'ફરી એકવાર દુનિયા માટે બન્યું આકર્ષણનું કેન્દ્ર:અત્યાર સુધીનો સૌથી મોટો સિક્કો તૈયાર કર્યો

નવી દિલ્હી: ઈંગ્લેન્ડ માટે સિક્કાઓ બનાવનાર 'રોયલ મિન્ટ' ફરી એક વાર દુનિયા માટે આકર્ષણનું કેન્દ્ર બન્યું છે. રોયલ મિન્ટે તેનો અત્યાર સુધીનો સૌથી મોટો સિક્કો તૈયાર કર્યો છે. 1100 વર્ષના ઈતિહાસમાં સૌથી મોટો સિક્કો છે. સોનાના સિક્કાનું વજન 10 કિલોગ્રામ છે અને તે 20 સેન્ટિમીટર પહોળો છે. રોયલ મિન્ટે ટ્વીટ કરી તેની માહિતી આપી છે. યુનિક સિક્કો ઓલરેડી વેચાઈ ગયો છે. જોકે સંસ્થાએ તેના બાયર વિશે માહિતી આપી નથી, પંરતુ તેણે સિક્કા માટે 6 ડિજિટના પૈસા ચૂકવ્યા છે. માસ્ટર ક્રાફ્ટ્સપીપલ ટીમના મેમ્બર્સે મળી જાયન્ટ કોઈન તૈયાર કર્યો છે. તેને ડેવલપ કરવા માટે ટ્રેડિશનલ સ્કિલ અને ઈનોવેટિવ ટેક્નોલોજીનો ઉપયોગ થયો છે. ઓરિજિનલી એક સિક્કો તૈયાર કરવામાં આવ્યો છે. જોકે તેના લોઅર પ્રાઈઝ વર્ઝન પણ સંસ્થાએ બનાવ્યા છે.સિક્કામાં 10 ક્વીન્સ બીસ્ટ આવરી લેવામાં આવ્યા છે. ક્વીન્સ બીસ્ટ કોઈન સિક્કા હોય છે જે રોયલ મિન્ટ શાસક રાણી માટે બનાવે છે. ક્વીન્સ બીસ્ટ એલિઝાબેથ બીજાની 10 પેઢીને રિપ્રેઝન્ટ કરતી અલગ અલગ મૂર્તિઓ છે.

(5:17 pm IST)
  • પુડુચેરીમાં ડખ્ખા શરૂ :૬ સભ્યો જ હોવા છતાં ભાજપ મુ.મંત્રી પદ માગે છે : પ્રથમ દિવસે જ પુડુચેરીમાં ભાજપ અને સ્થાનિક પક્ષો વચ્ચે ડખ્ખો શરૃઃ પુડુચેરીમાં સ્થાનિક પક્ષો સાથે જોડાણ કરી ભાજપ સત્તા પર આવી રહ્યો છે ત્યારે સત્તાની વહેંચણી બાબતે પ્રથમ ગ્રાસે મક્ષિકા જેવું થયું છે. ભાજપે માત્ર ૬ ધારાસભ્યો સાથે મુખ્યમંત્રીપદ માગતા ભાજપના મોરચામાં મતભેદો સર્જાયા છે. (ન્યુઝ ફર્સ્ટ) access_time 3:19 pm IST

  • સાંજે ૬ વાગ્યે : રાજકોટમાં ૪૧.૨ ડિગ્રી : તાપ અને બફારા વચ્ચે ૧૪ કિ.મી.ની ઝડપે પવનો ફૂંકાઈ રહ્ના છે. હવામાન વિભાગ કહે છે હજુ ઍકાદ - બે દિવસ ૪૧ ડિગ્રી આસપાસ તાપમાન રહેશે : બાદ ૧ થી ૨ ડિગ્રી વધવા સંભવ access_time 5:48 pm IST

  • હિંસા કેમ થાય છે ? મમતાની સરકાર પાસે મોદી સરકારે રિપોર્ટ મગાવ્યો :ચૂંટણી પછીની શરૂ થયેલ હિંસા અંગે પશ્ચિમ બંગાળ સરકાર પાસે રિપોર્ટ મંગાવતી કેન્દ્ર સરકારઃચૂંટણી પરિણામો બાદ પશ્ચિમ બંગાળમા ઠેર ઠેર થઈ રહેલા તોફાનો મુદ્દે કેન્દ્રીય ગૃહ મંત્રાલયએ રાજ્ય સરકાર પાસે રિપોર્ટ મંગાવ્યો છે. access_time 3:18 pm IST