Gujarati News

Gujarati News

News of Friday, 4th December 2020

ફિલિપાઇન્સમાં આ યુવતીએ ઓનલાઇન ફૂડ ઓર્ડર કરતા એક પછી એક 42 ડોલીવરી બોય આવી પહોંચ્યા

નવી દિલ્હી: આ દૃશ્યો ફિલિપાઇન્સના સેબૂ શહેરના છે. ફૂડનો ઓર્ડર આપ્યા બાદ ડિલીવરી બોયની લાઈન લાગી ગઈ હતી. એક-બે નહીં પરંતુ પુરા 42 ડિલીવરી બોય ફૂડ લઈને ડિલીવરી આપવા પહોંચી ગયા હતાં. એક સાથે 42 ડિલીવરી બોય પહોંચતા ઘરની બહાર અને સોસાયટીમાં લાંબી લાઈનો લાગી ગઈ હતી. મહત્ત્વનું છે કે, સાત વર્ષની બાળકીએ ફૂડનો ઓનલાઈન ઓર્ડર આપ્યો હતો. જો કે, એક સાથે આટલા બધા ડિલીવરી બોય પહોંચતાં છોકરી સમજી ન શકી કે હવે શું કરવું? ડિલીવરી બોયની લાંબી લાઈન જોઈ સ્થાનિકો પણ અચરજમાં મૂકાઈ ગયા હતાં. જો કે, થોડી તપાસ કરતાં જાણ થઈ કે, એપ્લિકેશનમાં ટેક્નિકલ ખામી સર્જાતા આ વિચિત્ર સ્થિતિ સર્જાઈ હતી. હકિકતમાં મમ્મી-પપ્પા ઘરે ન હોવાથી છોકરીએ દાદી સાથે લંચ કરવા માટે ઓનલાઇન ફૂડનો ઓર્ડર કર્યો હતો. પાડોશીએ આ ઘટનાનો વીડિયો રેકોર્ડ કરી શૅર કરતાં ખુબ જ વાઇરલ થઈ રહ્યો છે.

(5:13 pm IST)
  • તાપીમાં સગાઇ કાર્યક્રમમાં ભીડ ભેગી કરવા મામલોઃ ભાજપ નેતા કાંતિ ગામિત સહિત 4 આરોપીના સોનગઢ કોર્ટે 2 દિવસના રિમાન્ડ મંજૂર કર્યા. બાકીના 15 આરોપીની જામીન અરજીની તજવીજ હાથ ધરાઈ access_time 8:54 pm IST

  • હવે કર્ણાટક સરકાર પણ ' લવ જેહાદ ' કાનૂન લાવવાની તૈયારીમાં : ઉત્તર પ્રદેશમાં અમલી બનાવાયેલા કાનૂન મુજબ ફરજીયાત ધર્માન્તર અને લગ્ન માટે 10 વર્ષની જેલસજા તથા 50 હજાર રૂપિયાનો દંડ : હરિયાણા તથા મધ્ય પ્રદેશની સરકાર દ્વારા થઇ રહેલી વિચારણા બાદ હવે કર્ણાટક સરકાર પણ લવ જેહાદ કાનૂન લાવવા તૈયાર : હોમ મિનિસ્ટરની ઘોષણાં access_time 8:47 pm IST

  • ગ્રેટર હૈદરાબાદ મ્યુનિસિપલ કોર્પોરેશન ચૂંટણી : સત્તાધારી પાર્ટી TRS નો 44 બેઠકો ઉપર વિજય : ઓવૈસીની AIMIM પાર્ટીએ 39 બેઠકો કબ્જે કરી : 32 બેઠકો ઉપર ભગવો લહેરાયો : સાંજે 6:30 વાગ્યા સુધીના પરિણામ : કુલ બેઠક 150 : મત ગણતરી ચાલુ : 2016 ની સાલમાં સત્તાધારી પાર્ટી TRS ને 99 તથા ઓવૈસીની પાર્ટીને 44 બેઠકો મળી હતી : ભાજપે 4 બેઠકો ઉપર વિજય મેળવ્યો હતો access_time 7:15 pm IST