Gujarati News

Gujarati News

News of Monday, 7th September 2020

ફ્રાંસના ડીજોન શહેરમાં 57 વર્ષીય શખ્સને ઈચ્છા મૃત્યુ ન મળતા કર્યું કંઈક આવું

નવી દિલ્હી: ફ્રાન્સના ડીજોન શહેરમાં રહેતા 57 વર્ષીય અલાઇન કોક તેમની અસાધ્ય બીમારીથી પરેશાન છે. બીમારીની સારવારના અભાવે તેમણે રાષ્ટ્રપ્રમુખ ઇમેન્યુઅલ મૈક્રોં સમક્ષ ઇચ્છામૃત્યુની માગ કરી. જોકે, રાષ્ટ્રપ્રમુખે કોકની માગ ફગાવી દીધી. તેના પગલે કોકે હવે ખાવા-પીવાનું છોડી દીધું છે. સાથે જ શનિવારે સવારથી ફેસબુક પર પોતાના મોતનું લાઇવ સ્ટ્રીમિંગ પણ શરૂ કરી દીધું છે. કોકે કહ્યું, હું એક અઠવાડિયાથી વધારે નહીં જીવી શકું. સમય વીતી રહ્યો છે તેમ-તેમ મને બેચેની થઇ રહી છે. કોકે મૈક્રોં સમક્ષ ઇચ્છામૃત્યુની માગ કરતા લખ્યું હતું કે, હું એવી બીમારીથી પીડાઉં છું કે જેની સારવાર થઇ શકે તેમ નથી. મારી અસહ્ય પીડાને શાંત કરવા માટે કોઇ એવો પદાર્થ આપી દેવામાં આવે કે જેનાથી હું શાંતિથી મરી શકું. આ અંગે રાષ્ટ્રપ્રમુખ મૈક્રોંએ તેમને સમજાવતાં ઇચ્છામૃત્યુ આપવાનો ઇનકાર કરી દીધો. મૈક્રોંએ કહ્યું, ફ્રાન્સના કાયદા અનુસાર હું તે માટે મંજૂરી ન આપી શકું, કેમ કે હું કાયદાથી મોટો નથી. તેથી હું તમારો અનુરોધ સ્વીકારી શકું તેમ નથી.

(5:58 pm IST)
  • રઘુરામ રાજને મોદી સરકારને ચેતવીઃ અર્થતંત્ર વધુ ખરાબ થશેઃ જીડીપીના આંકડા બરબાદી માટે ખતરાની ઘંટડીઃ તત્કાલ સ્થિતિ કાબુમાં લેવી જરૂરીઃ સરકારની નિતિ આત્મઘાતી છે access_time 3:56 pm IST

  • દેશમાં કોરોનાના હાહાકાર મચાવતા નવા રેકોર્ડબ્રેક પોઝિટિવ કેસ નોંધાયા : એક જ દિવસમાં સૌથી વધુ દર્દીઓ સ્વસ્થ થવાનો પણ રેકોર્ડ : રાત્રે 12 વાગ્યા સુધીમાં દેશમાં કોરોનાના નવા 90.594 કેસ વધ્યા : કુલ કેસની સંખ્યા 41,10,833 થયા : હાલમાં 8,61,859 એક્ટીવ કેસ : વધુ 73,155 દર્દીઓ સાજા થતા કુલ 31,77,667 રિકવર થયા : વધુ 1043 લોકોના મોત સાથે મૃત્યુઆંક 70,678 થયો: મહારાષ્ટ્રમાં એક જ દિવસમાં વિક્રમી 20.800 કેસ નોંધાયા access_time 12:39 am IST

  • દેશમાં કોરોનાનો કહેર :છેલ્લા 24 કલાકમાં કોરોનાના નવા 75 હજારથી વધુ પોઝિટિવ કેસ નોંધાયા :કુલ કેસનો આંકડો 42,77,584 થયો : 8,82,751 એક્ટિવ કેસ : વધુ 74,123 દર્દીઓ સાજા થતા કુલ 33,21,420 રિકવર થયા : વધુ 1129 લોકોના મોત ; કુલ મૃત્યુઆંક 72,816 થયો access_time 1:16 am IST