Gujarati News

Gujarati News

News of Friday, 8th October 2021

વિશ્વનું સૌથી મોટું નાક ધરાવે છે 71 વર્ષીય આ શખ્સ

નવી દિલ્હી: વિશ્વનું સૌથી મોટું નાક તુર્કીના 71 વર્ષીય મેહમેટ ઓઝયુરેકનું છે અને તે સતત લાંબું થઇ રહ્યું છે. કહેવાય છે કે, મેહમેટનું નાક લગભગ 3.5 ઇંચ અથવા 8.8 સેન્ટિમીટર લાંબું છે. ગિનીસ વર્લ્ડ રેકોર્ડ્સે લગભગ 11 વર્ષ પહેલા તેમને સૌથી લાંબા નાકવાળા માણસની ઉપાધિ આપી હતી. હવે આટલા વર્ષો પછી ફરી એકવાર જાહેરાત કરી છે કે મેહમેટનું નાક વિશ્વનું સૌથી લાંબું છે.

ધ મિરરના અહેવાલ અનુસાર, દુનિયામાં હાલ કોઈપણ જીવંત વ્યક્તિનું આટલું મોટું નાક નથી. ગિનીસ વર્લ્ડ રેકોર્ડ્સે ટ્વિટ કરીને કહ્યું કે, આજના દિવસે 2010માં તુર્કીના મેહમેતને સત્તાવાર રીતે પૃથ્વી પર જીવતા લોકોમાં સૌથી મોટી નાકવાળા માણસની ઉપાધિ આપવામાં આવી હતી. તેનું નાક 8.8 સેમી હતું. જોકે મેહમેટ ઇતિહાસમાં સૌથી લાંબુ નાક ધરાવતો માણસ નથી. ઇતિહાસમાં સૌથી લાંબું નાક ધરાવનાર વ્યક્તિનું ખિતાબ બ્રિટનના ટોમસ વેડર્સના નામે છે. 18મી સદીમાં યોર્કશાયર વિસ્તારમાં રહેતા થોમસ વેડર્સનું 7.5 ઇંચ અથવા 19 સેમીનું નાક હતું. વાડર્સ એક સર્કસ સાથે જોડાયેલા હતા, જ્યાં તે પોતાનું નાક બતાવતાં હતાં. આ સર્કસ સમગ્ર યોર્કશાયર વિસ્તારમાં ફરતો હતો. ટોમસના લાંબા નાકનું મીણનું શિલ્પ બનાવી વિશ્વના ઘણા મ્યૂઝિયમમાં બતાવવામાં આવ્યું હતું.

(6:29 pm IST)