Gujarati News

Gujarati News

News of Wednesday, 14th April 2021

રશિયા-યુક્રેન વચ્ચે સંઘર્ષ વધતા રશિયાએ 80હજાર સૈનિકો યુક્રેન સરહદ પર ગોઠવ્યા હોવાની માહિતી

નવી દિલ્હી: રશિયા અને યુક્રેન વચ્ચેનો સંઘર્ષ ઘેરો બનતો જાય છે. રશિયાએ ૮૦ હજાર સૈનિકો યુક્રેન સરહદે ખડકી દીધા છે. યુક્રેનના કેટલાક પ્રાંત પર રશિયા પોતાનો દાવો ગણાવે છે. ૨૦૧૪માં પણ રશિયાએ યુક્રેન પર હુમલો કર્યો હતો. હવે ફરીથી રશિયાની હુમલો કરવાની તૈયારી હોય એમ લાગે છે. રશિયા જો હુમલો કરશે તો બ્રિટન અને અમેરિકા યુક્રેનના પક્ષે રહેશે એવી જાહેરાતો બન્ને દેશોએ પહેલા જ કરી દીધી છે.

બ્રિટને યુક્રેનના પડોશી રોમાનિયાની સરહદે પોતાના ફાઈટર વિમાનો ખડક્યા છે. બ્રિટિશ વાયુસેનાના વડાએ જણાવ્યુ હતુ કે અત્યારે ૬ યુરોફાઈટર ટાયફૂન ત્યાં પેટ્રોલિંગ માટે મોકલાયા છે. મતલબ કે રશિયાની હિલચાલ ગંભીર છે અને તેની સામે બ્રિટન-અમેરિકા પણ ગંભીરતાથી જવાબ આપવા માંગે છે. સરહદે ટનલો ખોદીને યુક્રેનના સૈનિકો ગોઠવાઈ ગયા છે.

(6:05 pm IST)
  • કાલે ઉત્તર પ્રદેશમાં પંચાયત ચૂંટણીનું પ્રથમ તબક્કાનું મતદાન : રાજ્ય ચૂંટણી આયોગના આંકડા મુજબ 18 જિલ્લામાં 51176 પોલિંગ બુથ પર મતદાન : 18 જિલ્લાના 31,64,162 મતદારો સવારે 7 થી સાંજે 6 દરમિયાન પોતાના મતાધિકારનો કરશે ઉપયોગ : અયોધ્યા, આગ્રા, કાનપુર, ગાઝિયાબાદ અને ગોરખપુરમાં થશે મતદાન access_time 12:39 am IST

  • વાંકાનેર લોહાણા મહાજનના પ્રમુખ કાકુભાઈ મોદીના ધર્મપત્નિ કોરોના સામે જંગ હારી ગયા : વાંકાનેર લોહાણા મહાજનના પ્રમુખ શ્રી કાકુભાઈ મોદીના ધર્મપત્નિ કોરોના સામે જંગ હારી ગયા. વાંકાનેરમાં પણ કોરોનાનો ભયજનક આતંક છવાયો છે. access_time 1:00 pm IST

  • પટણા એઈમ્સ હોસ્પિટલમાં આઈ.એ.એસ.અધિકારીને પ્રવેશ મળી શકે છે તો નિવૃત ફૉજીને કેમ નહીં ? : પટણામાં કોરોનાથી પીડિત નિવૃત્ત સૈન્ય અધિકારીનું એમ્બ્યુલન્સમાં મોત : નેશનલ મેડિકલ કોલેજ હોસ્પિટલમાં આરોગ્ય મંત્રી આવી રહ્યા છે તેવું બહાનું કાઢ્યું : પટણા એઇમ્સે ભરતી કરવાનો ઇનકાર કર્યો : નિવૃત ફૌજીના મોતે આરોગ્ય તંત્ર સામે સવાલો ઉભા કરી દીધા access_time 8:59 pm IST