Gujarati News

Gujarati News

News of Monday, 17th May 2021

ઇઝરાયલે હમાસની સામે કરેલ હુમલામાં એક ટનલ ઉડાવી દીધી

નવી દિલ્હી: ઇઝરાયલ અને હમાસના સામસામા હુમલામાં બંને તરફ નુકસાન થયા હોવાના સમાચાર આવી રહ્યા છેઇઝરાયલ-પેલેસ્ટાઇન વચ્ચેનું ઘર્ષણ બીજા સપ્તાહમાં પ્રવેશી ચુક્યું છે અને હજુ પણ બંને તરફથી રૉકેટ હુમલા યથાવત્ છે. જેમાં તાજા સમાચારો અનુસાર ઇઝરાયલે ગાઝામાં હમાસની એક ટનલ ઉડાવી દીધી હોવાની છે.તેમાં જાનહાનિના પણ મીડિયા રિપોર્ટ છે.બીજી તરફ અમેરિકા બંને પક્ષોને સંઘર્ષનો અંત લાવી યુદ્ધવિરામની સ્થિતિમાં પરત ફરવા અપીલ કરી રહ્યું છે.રિપોર્ટ અનુસાર સોમવારે ઇઝરાયલના યુદ્ધવિમાનોએ ગાઝાપટ્ટીમાં એક ટનલને નિશાન બનાવી હતી.ઇઝરાયલનું કહેવું છે કે ચરમપંથીઓના અહીં અડ્ડા હોવાથી તેમણે ટનલ ફૂંકી મારી છે.

છેલ્લા 24 કલાકમાં થયેલો ઇઝરાયલનો હુમલો સૌથી ઘાતક માનવામાં આવી રહ્યો છે.

જેથી સામે પક્ષેથી પણ જવાબી હુમલાની સ્થિતિને પગલે ઇઝરાયલ દક્ષિણ સરહદી વિસ્તારમાં સાયરન ઍલર્ટ આપી રહ્યું છે.ઇઝરાયલના રક્ષાવિભાગે ટ્વીટ કર્યું કે તેમણે 9.3 માઈલની એક મેટ્રો ટનલ ઉડાવી દીધી છે.અત્રે નોંધવું કે ઇઝરાયલે તેના ઑપરેશનને 'ગાર્ડિયન ઑઉ વૉલ્સ' નામ આપ્યું છે.

જોકે યુએન સુરક્ષાપરિષદ પણ આ મામલે નિવેદન આપવાની તૈયારીમાં છે.

(5:32 pm IST)
  • ગુજરાતના ૧૫ જિલ્લા અને કેન્દ્ર શાસિત પ્રદેશોમાં ભારેથી અતિભારે વરસાદ પડવાની જાહેરાત: મહા ભયંકર વાવાઝોડાને લીધે અડધા ગુજરાતમાં વિનાશક કમોસમી વરસાદ પડશે હવામાન ખાતાએ અત્યારે સાંજે પાંચ વાગ્યે જણાવ્યું છે કે ગીર સોમનાથ, અમરેલી, ભાવનગર, જૂનાગઢ, બોટાદ, વલસાડ, નવસારી, સુરેન્દ્રનગર, રાજકોટ, ભરૂચ, સુરત, અમદાવાદ, આણંદ, ખેડા અને વડોદરા સહિત કેન્દ્ર શાસિત દીવ, દમણ અને દાદરાનગર હવેલી પંથકમાંમાં ભારેથી અતિભારે વરસાદ પડશે access_time 6:19 pm IST

  • રાજકોટ : નેશનલ સેન્ટર ફોર સિસ્મોલોજી મુજબ રાજકોટમાં આજે સવારે રિક્ટર સ્કેલ પર 3.8 ની તીવ્રતાનો ભૂકંપ આવ્યો હતો : ભૂકંપ 03:37:18 વાગ્યે સવારે રાજકોટથી દક્ષિણમાં 10 કિલોમીટરની ઉંડાઈએ આવ્યો હતો. access_time 9:27 am IST

  • કેરળમાં પણ કેસ ઘટયા: સાજા થવાનો આંક ઘણો ઊંચો રહ્યોકેરળમાં પણ કોરોના કેસ ઘટી ગયા. ૨૪ કલાકમાં આજે નવા ૨૯૭૦૪ કેસ નોંધાયા, ૮૯ મૃત્યુ થયા અને ૩૪૨૯૬ સાજા થયા છે. નવા કેસ કરતા સાજા થવાનો આંક લગભગ સાડા ચાર હજાર જેટલો વધુ છે. access_time 7:48 pm IST