Gujarati News

Gujarati News

News of Saturday, 20th February 2021

ઘરના લોકો સાથે વધારે સમય પસાર કરવાથી પરેશાન થયેલ આ શખ્સે પોતાની જાતને પોલીસને હવાલે કરવાનો નિર્ણય લીધો

નવી દિલ્હી: કોરોના મહામારીએ ઘણાં લોકોને પોતાના પરિવારો સાથે સારો સમય વિતાવવા માટે અવસર આપ્યો છે. તો કેટલાક એવા પણ છે જે આ સમયનો ઉપયોગ પોતાને શોધવામાં કરી રહ્યા છે. જોકે દરેકનું ઘરમાં રહેવું સારું ન રહ્યું, કેટલાક એવા પણ લોકો છે જેમની પોતાની અલગ ચાહત છે. જ્યાં તેમને શાંતિ અને આરામ મળી શકે. તો એક શખ્સ એવો પણ છે જે પોતાના ઘરના લોકો સાથે વધારે સમય વિતાવવાથી પરેશાન થઈ ગયો અને આ કારણે તેણે પોતાને પોલીસને હવાલે કરવાનો નિર્ણય લીધો છે.

            એ શખ્સની હજુ ઓળખ થઈ શકી નથી, પરંતુ તેણે બુધવારે બર્ગસ હિલ પોલીસ સ્ટેશનમાં ફોન કર્યો અને પોતાને પોતાની ઇચ્છાથી પોલીસને હવાલે કરી દીધો, કેમકે તેને લાગ્યું કે ઘરમાં રહેવાથી સારું છે કે તે જેલમાં રહેનારા લોકો સાથે રહે. તે ઈચ્છતો હતો કે શાંતિ મળે, જે તેમના કુટુંબીજનો માટે કોઈ સપના જેવુ હશે. સક્સેસ નેબરહુડ પોલીસિંગ ઇંસ્પેક્ટર ડેરેન ટેલરે કહ્યું કે, એ શખ્સ જેલમાં પાછો જવા માંગતો હતો અને તેણે બુધવારે સાંજે લગભગ 5 વાગ્યે પોતાને પોલીસના હવાલે કરી દીધો હતો.

(5:41 pm IST)
  • મહારાષ્ટ્રના ૪ પ્રધાનોને એકસાથે કોરોના વળગ્યોઃ એક પ્રધાનને ફરી કોરોના થયો : મહારાષ્ટ્રમાં શું થઈ રહ્યું છે? : મહારાષ્ટ્રમાં કંઈક ગંભીર બની રહ્યું છે? શ્રી ઉદ્ધવ ઠાકરે મંત્રીમંડળના ૪ સભ્યો જયંત પાટીલ, રાજેશ ટોપે, અનિલ દેશમુખ અને બછુ કડુને કોરોના પોઝીટીવ આવેલ છે. બે અન્ય પ્રધાનોને હળવા ચિન્હો સાથેનો કોરોના થયો છે. જયારે બછુ કડુને બીજી વખત કોરોના પોઝીટીવ વળગ્યો છે access_time 4:05 pm IST

  • ચૂંટણી એક બિમારી છે : રાજનીતિથી દૂર રહીશુઃ સરકાર પર ભરોસો નથી : એનડીટીવીના પત્રકાર નિધી કુલપતિ સાથેના ખાસ ઇન્ટરવ્યુમાં ખેડૂત આંદોલનના સુત્રધાર રાકેશ ટિકૈતે કહેલ કે ચૂંટણી એક બિમારી છે. અમે તેની નજીક પણ નહિ જઇએ. રાજનીતિથી દૂર રહીશું આ સરકાર ઉપર અમને ભરોસો નથી. access_time 10:20 am IST

  • મોંઘવારીનો એકપછી એક માર : પેટ્રોલ- ડીઝલ બાદ CNG- PNGનાં ભાવમાં વધારો ઝીકાયો :અદાણી ગેસે કર્યો ભાવમાં વધારો : CNGનાં ભાવમાં 95 પૈસાનો વધારો કરાયો : PNGનાં ભાવમાં 1.29 રૂપિયાનો વધારો ઝીકાયો : ગુજરાતમાં CNGનાં 4 લાખ ગ્રાહકોને અસર: ગુજરાતમાં PNGનાં 10 લાખ ગ્રાહકોને વધશે ખર્ચ બોજ access_time 10:57 am IST