Gujarati News

Gujarati News

News of Friday, 22nd October 2021

ટીવી પર ન્યૂઝ આપી રહી હતી એન્કરઃ પાછળ સ્ક્રીન પર શરૂ થયો પોર્ન વિડીયો

વોશિંગ્ટનમાં એક સમાચાર ચેનલ પર એવી ઘટના બની હતી જેને જોઈને પ્રેક્ષકોને મોટો આઘાત લાગ્યો હતો

વોશીંગ્ટન,તા. ૨૨: અમેરિકાના વોશિંગ્ટનમાં એક સમાચાર ચેનલ પર એવી ઘટના બની હતી જેને જોઈને પ્રેક્ષકોને પણ મોટો આઘાત લાગ્યો હતો. રવિવારે સાંજે સ્થાનિક ચેનલ પર હવામાનના સમાચાર ચાલી રહ્યા હતા ત્યારે ચેનલ પર અચાનક જ એક પોર્ન કિલપ પ્રસારીત થઈ હતી જેના કારણે પ્રેક્ષકોને આંચકો લાગ્યો હતો.

વોશિંગ્ટનના સ્પોકેનમાં સ્થિત એક સ્થાનિક સીબીએસ-સંબદ્ઘ સમાચાર આઉટલેટ કેઆરઈએમ એ સાંજે ૬ વાગ્યે ન્યૂઝકાસ્ટ દરમિયાન ૧૩ સેકન્ડનો વિડીયો પ્રસારીત કર્યો હતો. હવામાન વિજ્ઞાની મિશેલ બોસ હવામાનનું અપડેટ આપી રહ્યા હતા. ત્યારે પાછળ સ્ક્રીન પર અશ્લીલ વિડીયો ચાલવા લાગ્યો હતો.

તેમને તથા તેમના કો-એન્કર કોઈને પણ ખ્યાલ ન હતો કે આવો વિડીયો પ્રસારીત થઈ ગયો છે. તે બંનેએ પોતાનો રિપોર્ટ જારી રાખ્યો હતો કેમ કે ગ્રાફિક વિડીયો બેકગ્રાઉન્ડમાં ચલાવતા પહેલા હવામાન ફૂટેજમાં એડિટ કરી રહ્યા હતા.

કેઆરઈએમ એ પોતાના પ્રસારણ દરમિયાન અયોગ્ય વિડીયો માટે માફી માંગી છે. સ્ટેશને કહ્યું હતું કે, કેઆરઈએમ ૨જ્રાક્નત્ન આજે રાત્રે ૬ વાગ્યે અમારા ન્યૂઝકાસ્ટમાં કંઈ થયું હતું, અમે તમામ લોકોની માફી માંગીએ છીએ. શોના પ્રથમ ભાગમાં એક અયોગ્ય વિડીયો પ્રસારિત કરવામાં આવ્યો હતો. ભવિષ્યમાં આવું ન બને તે માટે અમે પૂરતી તકેદારી રાખીશું.

આ વિડીયો બાદ ઘણા પ્રેક્ષકોએ સ્પોકેન પોલીસ વિભાગને કોલ કર્યા હતા અને પોલીસ હવે ઘટનાની તપાસ કરી રહી છે. નોંધનીય છે કે ૨૦૧૭માં આ પ્રકારની એક ઘટના સામે આવી હતી. જયારે બીબીસીના એક સતર્ક દર્શક એક કર્મચારીને કામ દરમિયાન એકસ-રેટેડ કિલપ જોતા જોઈ ગયો હતો. એક લાઈવ પ્રસારણ દરમિયાન સમાચાર આપનારા એક એન્કર પાછળ બીબીસી કર્મચારીની સ્ક્રીન જોવા મળી રહી હતી.

(9:54 am IST)