Gujarati News

Gujarati News

News of Saturday, 23rd January 2021

પાકિસ્તાને તાજેતરમાં છોડેલ મિસાઈલ બલુચિસ્તાનના રહેણાંક વિસ્તારમાં ખાબકતા પાંચ લોકો ગંભીર રીતે ઈજાગ્રસ્ત

નવી દિલ્હી: પાકિસ્તાને બુધવારે દાવો કર્યો હતો કે, પરમાણુ હથિયાર લઈ જવા માટે સક્ષમ મિસાઈલ શાહીન-3નુ સફળતાપૂર્વક પરિક્ષણ કરવામાં આવ્યુ છે.

આ માટે પાકિસ્તાનના વડાપ્રધાનથી માંડીને બીજા નેતાઓએ પરીક્ષણ માટે અભિનંદન આપ્યા હતા.જોકે આ પરીક્ષણની પાકિસ્તાનના જ એક નેતાએ પોલી ખોલી નાંખી છે. આ મિસાઈલ પરીક્ષણ બાદ બલૂચ રિપબ્લિકન પાર્ટીના પ્રવક્તા શેર મહોમ્મદ બુગતીએ કહ્યુ હતુ કે, પાકિસ્તાનની મિસાઈલ બલૂચિસ્તાનમાં પડી હતી અને તેના કારણે થયેલા ધડાકામાં પાંચ લોકો ઈજાગ્રસ્ત થયા છે.

આ પહેલા પણ પાકિસ્તાન પર બલૂચિસ્તાનના લોકો પર અત્યાચાર કરવાનો આરોપ લગાવી ચુકેલા બુગતીએ કહ્યુ હતુ કે, પાકિસ્તાનની સેનાએ બલૂચિસ્તાનને લેબોરેટરીમાં ફેરવી નાંખ્યુ છે.પાકિસ્તાનની શાહીન મિસાઈલ બલૂચિસ્તાનના ડેરા બુગતીમાં ખાબકી હતી.જેના કારણે સેંકડો લોકોના ઘર તબાહ થઈ ગયા છે અને કેટલાક લોકો ઘાયલ થયા છે.

(5:41 pm IST)
  • અમદાવાદમાં પણ સવારે ધુમ્મસભર્યું વાતાવરણઃ અમદાવાદ-વડોદરા એકસપ્રેસ હાઇવે ઉપર વાહન ચાલકોને લાઇટો ચાલુ રાખવાની ફરજ પડી : રાજકોટઃ સૌરાષ્ટ્ર સહિત ગુજરાતભરમાં છેલ્લા બે-ત્રણ દિવસથી સવારે ઝાળકવર્ષા જોવા મળે છે. દરમિયાન આવે વ્હેલી સવારે અમદાવાદમાં ગાઢ ધુમ્મસ જોવા મળેલ તો અમદાવાદ એકસપ્રેસ હાઇવે ઉપર ધુમ્મસના પગલે વાહનચાલકોને ભારે પરેશાનીનો સામનો કરવો પડયો હતો. લાઇટો ચાલુ રાખી ધીમી સ્પીડે કાર ચાલકો વાહન ચલાવતા જોવા મળ્યા હતા. access_time 11:33 am IST

  • દક્ષિણ આફ્રિકામાં મળેલો કોરોના વાયરસ અતિ ભયાનકઃ એન્ટીબોડીને તોડીને ફરીથી કરે છે સંક્રમિતઃ બ્રિટનમાંથી આવેલા નવા કોરોના વાયરસ કરતા પણ વધુ ગંભીર access_time 3:39 pm IST

  • સુરેન્દ્રનગરમાં સ્થાનીક સ્વરાજ્યની ચૂંટણી પહેલા ભાજપમાં ભંગાણઃ મુળી તાલુકામાં કોંગ્રેસનું જનજાગૃતિ અભિયાન, ઉમરડા ગામના સરપંચ સહિત ૧૦૦ કાર્યકરો કોંગ્રેસમાં જોડાયા, ધારાસભ્ય ઋત્વિક મકવાણાએ કાર્યકરોને કોંગ્રેસનો ખેસ પહેરાવી સ્વાગત કર્યું access_time 12:53 pm IST