Gujarati News

Gujarati News

News of Tuesday, 23rd February 2021

ઇરાકની રાજધાની બગદાદમાં અમેરિકી દૂતાવાસ પર રોકેટ છોડવામાં આવ્યા:અઠવાડિયાની અંદર થયો ત્રીજો હુમલો

નવી દિલ્હી: ઇરાકની રાજધાની બગદાદમાં સોમવારે અમેરિકી દૂતાવાસ પર ત્રણ રોકેટ છોડવામાં આવ્યા છે. મળતી માહિતિ પ્રમાણે આ ત્રણ રોકેટમાંથી એક રોકેટ ગ્રીન ઝોનની અંદર પડ્યું છે. તો બીજુ રોકેટ આસપાસના રહેણાંક વિસ્તારમાં પડ્યું છે. એક અઠવાડિયાની અંદર આ પ્રકારનો આ ત્રીજો હૂમલો છે.

તો આ તરફ ઇરાકી સેનાએ એક નિવેદનમાં જણાવ્યું કે રોકેટ હૂમલામાં કિનો જીવ ગયો નથી. ગ્રીન જોનમાં અનેક વિદેશી દૂતાવાસ અને સરકારી ઇમારતો આવેલી છે. આ વિસ્તાર એવા રોકેટના નિશાના પર હોય છે જે ઇરાન સર્થિત હોય છે. આ વાત અમેરિકા અને ઇરાકના અધિકારીઓ દ્વારા જણાવવામાં આવી છે. ઇરાકી સુરક્ષા એજન્સી દ્વારા જાહેર કરાયેલા નિવેદનમાં કહેવામાં આવ્યું છે કે ઓછામાં ઓછા બે રોકેટ ગ્રીન ઝોનમાં પડ્યા છે. જ્યાં અમેરિકા અને અન્ય દેશોના દૂતાવાસ છે. જેમાંથી એક રોકેટે અમેરિકી નડિપ્લોમેટિક મિશનને નિશાન બનાવ્યું અને બીજુ રોકટ રહેણાંક વિસ્તારમાં પડ્યું. ઉલ્લેખનીય છે કે એક અઠવાડિયા પહેલા અરબિલ એરપોર્ટ પર મિલિટ્રી કેમ્પલેક્ષમાં એક ડઝન જેટલા રોકેટ છોડવામાં આવ્યા હતા. આ ઘટનામાં બે લોકોના મોત થયા હતા.

(5:34 pm IST)
  • મધ્યપ્રદેશમાં પણ કોરોનાના કહેરનો ખતરો : મહારાષ્ટ્ર બોર્ડરના જિલ્લામાં એલર્ટ : આરોગ્યમંત્રીએ જિલ્લા ક્રાઈસીસ મેનેજમેન્ટ ગ્રુપ સાથે બેઠક કરી :કોરોના ગાઈડલાઇનનું ચુસ્ત પાલન કરાવવા આદેશ : મહારાષ્ટ્રથી આવનાર પ્રવાસીઓને થર્મલ સ્ક્રીનિંગ કરાશે : મોટા મેળાવડા સહિતના આયોજન પર રોક લગાવાઈ access_time 11:20 pm IST

  • સુરતમાં પાટીલના ગઢમાં ‘આપ' પક્ષે ગાબડુ પાડયુ : ૨૫ બેઠકો મેળવી : ભાજપને ફાળે ૭૨ બેઠકોઃ કોંગ્રેસને બેઠક મેળવવાના ફાંફાઃ ૨૪ બેઠકો ઉપર ગણતરી ચાલુ : બપોરે ૪ વાગ્‍યે આ લખાય છે ત્‍યારે સુરતમાં ૧૨૦ બેઠકમાંથી ૯૬ બેઠકો જાહેર થઈ છે અથવા તો ટ્રેન્‍ડ જાહેર થયા છે : જેમાંથી અરવિંદ કેજરીવાલનો નવોદીત આપ પક્ષ ૨૫ બેઠકો લઈ જાય છે : ભાજપને હજુ સુધી ૭૨ બેઠકો સાથે સાદી બહુમતી મળી રહી છે, જયારે કોંગ્રેસને બેઠક મેળવવાના ફાંફા છે અને એક પણ બેઠક મળી નથીઃ કોંગ્રેસની તમામ બેઠકો ‘આપ' ખૂંચવી ગયેલ છે આપની બેઠકો હજુ પણ વધે તેવી શકયતા છેઃ કુલ ૨૪ બેઠકની મતગણતરી હવે થઈ રહી છે access_time 4:24 pm IST

  • દેશમાં કોરોનાના ધીમીગતિએ વધતા કેસ :રાત્રે 12 વાગ્યા સુધીમાં કોરોનાના નવા 13,462 કેસ નોંધાયા :કુલ કેસની સંખ્યા 1,10,29,326 થઇ :એક્ટિવ કેસ 1,44,027 થયા: વધુ 13,659 દર્દીઓ સ્વસ્થ થતા કુલ 1,07,24,146 થયા :વધુ 100 લોકોના મોત સાથે કુલ મૃત્યુઆંક 1,56,598 થયા access_time 9:01 am IST