Gujarati News

Gujarati News

News of Friday, 25th September 2020

બેબી શેરવાનીમાં બિલ્લીમાસી

પ્રાણીઓને ઘરમાં પાળનારા લોકો એને ખૂબ જ લાડકોડ કરાવતા હોય છે. પાળેલાં પશુઓ માટે રમકડાં, કપડાં અને જાતજાતનું ખાવાનું ખવડાવવાના શોખીન માલિકો પણ હોય છે. તાજેતરમાં આવાં જ એક ઉત્સાહી બહેને પોતાની બિલાડીને શેરવાની પહેરાવી હતી. સોશ્યલ નેટવર્કિંગ સાઇટ ટ્વિટર પર સાનિયા નામની યુઝરે શેરવાની પહેરેલી બિલાડીની તસવીરો પોસ્ટ કરી છે. એ કયુટ બિલ્લીમાસીને જોઈને સોશ્યલ મીડિયા તો ઓવારી ગયું. બીજી એક તસવીરમાં બિલાડીએ બેબી ડ્રેસ પહેર્યો છે. સાનિયાએ કમેન્ટ્સમાં લખ્યું હતું કે 'મારી મમ્મીએ મને કહ્યું કે બન્ને ડ્રેસ બિલાડીને શોભે છે. મમ્મી મારી સીમંતવિધિ (બેબી શાવર) વખતે બિલાડીને આ ડ્રેસ પહેરાવશે એવું પણ મમ્મીએ કહ્યું છે.'

(10:29 am IST)
  • દેશમાં કોરોનાના કહેર વચ્ચે આજે નવા કેસ કરતા સ્વસ્થ થનારની સંખ્યામાં વધુ :કુલ કેસનો આંક 59 લાખને પાર પહોંચ્યો : રાત્રે 12-30 વાગ્યા સુધીમાં દેશમાં 85,465 નવા કેસ નોંધાયા : કુલ કેસની સંખ્યા 59,01.571 થઇ : 9,61,159 એક્ટીવ કેસ : વધુ 93,166 દર્દીઓ સ્વસ્થ થતા કુલ 48,46,168 રિકવર થયા : વધુ 1093 લોકોના મોત સાથે મૃત્યુઆંક 93,410 થયો access_time 12:51 am IST

  • સુવિખ્યાત પ્લેબેક સિંગર એસ.પી. બાલાસુબ્રમનિયમ નું નિધન : ગયા મહિને કોરોના સંક્રમિત થયા હતા : કોરોના સામેનો જંગ હાર્યા : આજ 25 સપ્ટે.2020 શુક્રવારે બપોરે 1 કલાક અને 4 મિનિટે અંતિમ શ્વાસ લીધા : બૉલીવુડ સહીત વિશાળ ચાહક વર્ગમાં શોકનું મોજું access_time 1:58 pm IST

  • દિલ્હીના મુખ્યમંત્રી અરવિંદ કેજરીવાલને અશ્લીલ ગીત ગાઈ રહેલા બતાવતો " ફેક " વિડિઓ વાઇરલ : 12 ફેબ્રુઆરીના રોજ દિલ્હી વિધાનસભાની ચૂંટણીમાં પોતાની પાર્ટી વિજેતા થતા અશ્લીલ ગીત ગાતા બતાવ્યા : દિલ્હી કોર્ટમાં દાવો દાખલ : મેટ્રોપોલિટન મેજિસ્ટ્રેટે પશ્ચિમ વિહાર પોલીસને એફ.આઈ .આર.દાખલ કરી રિપોર્ટ આપવાનો આદેશ કર્યો access_time 7:45 pm IST