Gujarati News

નવી દિલ્હી: સ્વિત્ઝરલેન્ડમાં કોરોના વાયરસ સામે રક્ષણ આપતી વેક્સિન મુકાયા બાદ 16 લોકોના મોત નિપજતાં ખળભળાટ મચી જવા પામ્યો છે. મેડિકલ સાધનોનું ઉત્પાદન કરતી એજન્સીએ આ જાણકારી આપી છે. એજન્સીએ કહ્યું કે અમે દવાની શંકાસ્પદ પ્રતિકૂળ પ્રતિક્રિયાઓના 364 મામલાની જાણકારી મળી છે જેમાંથી 199 ફાઈઝર તથા બાયોએનટેક તેમજ 154ને મોડર્નાની વેક્સિન અપાઈ હતી.એજન્સીએ કહ્યું કે 16 લોકોને વેક્સિન મુકાયા બાદ અલગ અલગ સમયે મૃત્યુ થયું છે. મોતને ભેટનારા લોકોની સરેરાશ ઉંમર 86 હતી અને તેમાંથી મોટાભાગના પહેલાંથી જ ગંભીર બીમારીનો સામનો કરી રહ્યા હતા જેથી આ લોકોના મોત વેક્સિનને કારણે નથી થયા.