Gujarati News

નવી દિલ્હી: સંયુક્ત રાષ્ટ્રની પરમાણુ મોનિટરિંગ એજન્સીએ કહ્યું કે ઈરાને નિરિક્ષકોને બે શંકાસ્પદ સ્થળોની મુલાકાત લેવાની મંજૂરી આપી છે જ્યાં તેને અઘોષિત પરમાણુ સામગ્રી સ્ટોર કરવા અથવા વાપરવાની શંકા છે. આંતરરાષ્ટ્રીય પરમાણુ ઉર્જા એજન્સીએ કહ્યું કે, "ઇરાન IAEA દ્વારા નિયુક્ત બે સ્થળોએ સ્વેચ્છાએ તેની પહોંચ પ્રદાન કરી રહ્યું છે અને સમસ્યાઓના સમાધાન માટે IAEA ચકાસણી પ્રવૃત્તિઓને સુવિધા આપી રહ્યું છે."

               ઇરાન સાથેના સંયુક્ત નિવેદનમાં એજન્સીએ કહ્યું કે નિરીક્ષણ માટેની તારીખો પર સંમતિ થઈ ગઈ છે, પરંતુ નિરીક્ષણ ક્યારે થશે તે જણાવ્યું નથી. આ નિરીક્ષણોથી ઇરાન અને IAEA વચ્ચે લાંબા સમયથી ચાલતા વિવાદનો ઉકેલ આવશે. ડિસેમ્બરમાં પદ સંભાળ્યા બાદ એજન્સીના ડાયરેક્ટર જનરલ, રાફેલ ગ્રોસી, ઈરાનની તેમની પ્રથમ મુલાકાત પછી વિયેનાની મુલાકાતે આવ્યા હોવાથી આ જાહેરાત કરવામાં આવી છે.