બ્રુનેઇ દેશમાં છે અનોખી પરંપરા:લોકો ઘરની દીવાલ પર લગાવી રહ્યા છે પત્નીની ફોટો

નવી દિલ્હી: વિશ્વના લગભગ તમામ દેશ સાથે કંઇક સંબંધિત રસપ્રદ વાતો કરવામાં આવે છે. બ્રુનેઇ એક એવો દેશ છે. આ દેશની રસપ્રદ વસ્તુઓ તમને આશ્ચર્યચકિત કરશે. બ્રુનેઇ મુસ્લિમ બહુમતી ધરાવતો દેશ છે, જ્યાં આજે પણ મહિલાઓને મત આપવાનો અધિકાર આપવામાં આવતો નથી. ઇન્ડોનેશિયાની નજીક આવેલા રાજા શાસન ચલાવે છે. જો કે ઘણા દેશની જેમ બ્રુનેઇ બ્રિટિશરોનો ગુલામ રહ્યો છે, જેણે 1 જાન્યુઆરી, 1984 ના રોજ સ્વતંત્રતા મેળવી. બ્રુનેઇ એક એવો દેશ છે જ્યાં ઘરની દિવાલો પર પત્નીનો ફોટોગ્રાફ રાખવાનો રિવાજ છે. કેટલાક ઘરોમાં એક કરતા વધારે પત્નીની તસવીર પણ જોવા મળે છે. આ સિવાય અહીં સુલતાનની એક તસ્વીર પણ દિવાલ પર જોવા મળી રહી છે.

              બ્રુનેઇના સુલતાનને વિશ્વના સૌથી ધનિક રાજાઓમાંથી એક માનવામાં આવે છે. એક અહેવાલમાં જણાવ્યા અનુસાર, 2008 માં તેમની સંપત્તિ આશરે 1363 અબજ રૂપિયા હોવાનું નોંધાયું હતું. તેને કારનો ખૂબ શોખ છે અને તેથી જ તેની પાસે લગભગ 7000 કાર છે. તેની અંગત કાર સોનાથી જડાયેલી છે. તેને વિશ્વનો સૌથી મોટો આવાસીય મહેલ માનવામાં આવે છે, જેમાં 1700 થી વધુ રુમ છે.