કોરોના વાયરસના નવા વેરિએંટએ અબોલા પ્રાણીઓને પણ બનાવ્યા પોતાના શિકાર
નવી દિલ્હી: વિશ્વમાં કોરોના વાયરસનો કહેર સતત વધી રહ્યો છે. નવા વેરિયન્ટ ઓમિક્રોન ના કેસ સતત વધી રહ્યા છે. જેના કારણે ફરી એકવાર આ વાયરસને લઈને હોબાળો મચી ગયો છે. સાથે જ આ વાયરસ અબોલા પ્રાણીઓને પણ પોતાનો શિકાર બનાવી રહ્યો છે. લેટેસ્ટ મામલો અમેરિકાના ઈલિનોઈસનો છે, જ્યાં કોરોના વાયરસના કારણે એક હિમ ચિત્તાનું મોત થયું છે. આ ઘટનાએ હલચલ મચાવી દીધી છે અને લોકો ખૂબ જ ચિંતિત છે. મળતી માહિતી મુજબ, ઇલિનોઇસના બ્લૂમિંગટનમાં મિલર પાર્ક ઝૂમાં કોરોના સંક્રમણને કારણે એક હિમ ચિત્તાનું મોત થયું છે. સોશિયલ મીડિયા પ્લેટફોર્મ પર ઇન્સ્ટાગ્રામ પર મિલર પાર્ક ઝૂ દ્વારા આ ઘટનાની પુષ્ટિ કરવામાં આવી છે. રિપોર્ટમાં કહેવામાં આવ્યું છે કે પ્રાણી સંગ્રહાલયમાં હાજર 11 વર્ષના સ્નો લેપર્ડ 'રિલુ'નું મૃત્યુ થયું છે. મરતા પહેલા તે કોરોના સંક્રમણ સામે લડી રહ્યો હતો. જણાવવામાં આવી રહ્યું છે કે વર્ષ 2011માં આ દીપડાને ઓક્લાહોમા સિટી ઝૂમાંથી મિલર પાર્ક ઝૂમાં શિફ્ટ કરવામાં આવ્યો હતો. પોસ્ટમાં એ પણ નોંધ્યું છે કે મિલર પાર્કે પ્રાણી સંગ્રહાલયને હિમ ચિત્તાના બચ્ચાના ઉત્પાદનમાં વિશ્વની અગ્રણી સંસ્થાઓમાંની એક બનાવ્યું છે. રિલુનું વ્યક્તિત્વ અને સુંદરતા હંમેશા યાદ રહેશે. મૃત્યુ પછી પણ તેને ક્યારેય ભૂલી શકાતો નથી.