યુક્રેનના યુદ્ધમાં ક્ષતિગ્રસ્ત થયેલ બિલ્ડીંગ પાસે વિદ્યાર્થીઓએ કરાવ્યું ફોટોશૂટ

નવી દિલ્હી: યુદ્ધગ્રસ્ત યુક્રેનમાં હાઇસ્કૂલના વિદ્યાર્થીઓએ ગૃપ ફોટોશુટ માટે ભયાનક બેકગ્રાઉન્ડ તરીકે નાશ પામેલી ઇમારતો અને ક્ષતિગ્રસ્ત વાહનોને પસંદ કર્યા. યુક્રેનમાં ભ્રષ્ટાચાર વિરોધી એક્શન સેન્ટરના એક્ઝિક્યુટિવ ડાયરેક્ટર ડારિયા કાલેનીયુકે સોમવારે ટ્વિટર પર આ તસવીર શેર કરી હતી. તેણીએ પોસ્ટના કેપ્શન લખ્યું, "ચેર્નિગોવ સ્કૂલમાં ગ્રેજ્યુએટ્સ ." તસવીરો લેનાર ફોટોગ્રાફર સ્ટેનિસ્લાવ સૈનિક હતો. 25 વર્ષીય યુવાને ન્યૂઝ એજન્સીને જણાવ્યું કે, પ્રથમ વખત યુદ્ધના આઘાતનો અનુભવ કર્યા પછી, તેમનો હેતુ શાળાઓમાંથી સ્નાતક થયેલા લગભગ 40 નાગરિકોની "ખૂબ જ મહત્વપૂર્ણ વાર્તા" જાણવાનો હતો. વાયરલ થયેલા ફોટામાં કુલ 13 વિદ્યાર્થીઓ છે. બેકગ્રાઉન્ડમાં ક્ષતિગ્રસ્ત અને નાશ પામેલી ઇમારતો સાથે, વિદ્યાર્થીઓના ચહેરાઓમાં આત્મવિશ્વાસ અને નિર્ભયતા જોઈ શકાય છે. આ પોસ્ટને ટ્વિટર પર 67,000 થી વધુ લાઈક્સ મળી છે અને 10,000 થી વધુ લોકો દ્વારા રીટ્વીટ કરવામાં આવી છે.