દેશ-વિદેશ
News of Tuesday, 24th May 2022

કોરોના મહામારી બાદ મંકીપૉક્સને લઈને નિષ્ણાતોએ પોતાની ચિંતા વ્યક્ત કરી

નવી દિલ્હી: વોશિંગટનઃ કોરોના મહામારી બાદ હવે દુનિયામાં મંકીપોક્સને લઈને ચિંતા જોવા મળી રહી છે. અમેરિકા સહિત 11 દેશોમાં મંકીપોક્સ કહેર મચાવી રહ્યો છે. અમેરિકી રાષ્ટ્રપતિ બાઇડેને કહ્યુ કે, મંકીપોક્સના કેસમાં અચાનક વધારો ચિંતાનો વિષય છે. હવે લોકોને સવાલ થઈ રહ્યો છે કે શું કોરોનાની જેમ મંકીપોક્સ પણ દુનિયામાં ફેલાશે. અમેરિકાના સ્વાસ્થ્ય નિષ્ણાંતોનું કહેવું છે કે કોવિડ-19ની જેમ મંકીપોક્સ દુનિયામાં મહામારી હશે નહીં. યુનિવર્સિટી ઓફ મૈરીલેન્ડ અપર ચેસાપીક હેલ્થના ઉપ પ્રમુખ અને ચીફ ક્વોલિટી ઓફિસર ડોક્ટર ફહીમ યૂનુસે કહ્યુ કે, મંકીપોક્સના કેસ ચિંતાનજક છે, પરંતુ તેમાં કોવિડ જેવી મહામારી બનવાનું જોખમ શૂન્ય ટકા છે. તેમણે કહ્યું કે, મંકીપોક્સ વાયરસ SARS-CoV-2 ની વિતરીત ઉપન્યાસ નથી. સ્વાસ્થ્ય નિષ્ણાંતે કહ્યુ કે વિશ્વ દાયકાઓથી મંકીપોક્સ વિશે જાણે છે અને તેને બીમારીની સમજ છે જે ચેચક સમાન વાયરસ પરિવારથી સંબંધિત છે. મંકીપોક્સ વાયરસ સામાન્ય રીતે ઘાતક હોતો નથી અને કોરોના વાયરસથી ઓછો સંક્રામક હોય છે, તેમ ડો. ફહીમે જણાવ્યુ છે.

 

(6:50 pm IST)