Gujarati News

નવી દિલ્હીઃ જો તમે સોના-ચાંદી ખરીદવાનો પ્લાન બનાવી રહયા છો તો તેના માટે સારા અહેવાલો છે જો કે સરકારે સોના-ચાંદી પર કસ્ટમ ડયુટીન ઘટાડવાનું એલાન કર્યુ છે. આ એલાન કેન્દ્રીય નાણામંત્રી નિર્મલા સીતારમણે બજેટ ર૦ર૧માં કર્યુ છે. નાણામંત્રીએ સોના અને ચાંદી પર કસ્ટમ ફીને તર્કસંગત બનાવાનો પ્રસ્તાવ કર્યો. નાણામંત્રી મુજબ ૧ ઓકટોબરથી ર૦ર૧ થી એક નવી સંશોધીત કસ્ટમ ડયુટી નીતી લાગુ હશે.

આ જ રીતે તાંબા પર કસ્ટમ ડયુટી ર.પ ટકા ઘટાડી દેવામાં આવી છે. જયારે સ્ટીલ પર પણ કસ્ટમ ડયુટી ઓછું કરવાનું એલાન કરવામાં આવ્યું છે.  કોરોના મહામારી વચ્ચે સોના-ચાંદીની કિંમતોમાં ભારે ઉછાળો થયો છે. સોનુ રેકોર્ડ સ્તર પર પહોંચી ગયું હતું પરંતુ મોંઘુ હોવાના કારણે તો સોના-ચાંદી સામાન્ય બજેટથી બહાર થયું છે. જેનાથી જવેલરી ઇન્ડસ્ટ્રી પર ખરાબ અસર પડી છે. તેથી જવેલરી કારોબારીઓને નાણામંત્રી સીતારમણને બજેટમાં કસ્ટમ ડયુટી ઘટાડવાની માંગ કરી હતી. આ માંગને પુરો કરવાનો પ્રસ્તાવ રાખવામાં આવ્યો છે. હાલમાં સોના અને ચાંદી પર ૧ર.પ ટકાની કસ્ટમ ડયુટી લાગે છે જુલાઇ ર૦૧૯માં કસ્ટમ ડયુટી ૧૦ ટકાથી વધીને ૧ર.પ ટકા કરવામાં આવી હતી.