Gujarati News

નવી દિલ્‍હી, તા.૧: નિર્મલા સીતારામને બજેટના ભાષણ દરમિયાન ૧૯૭૧ ના ભારત પાકિસ્‍તાનના યુદ્ધનો ઉલ્લેખ કર્યો હતો. આ યુદ્ધમાં ભારતનો વિજય થયો અને પાકિસ્‍તાની સેનાએ ભારતને શરણાગતિ આપી. આ યુદ્ધ પછી, એક નવા દેશનો જન્‍મ થયો - બાંગ્‍લાદેશ.

 કેન્‍દ્રીય નાણામંત્રી નિર્મલા સીતારમણ સંસદમાં બજેટ રજૂ કરી રહ્યા છે. બજેટ રજૂ કરતાં સીતારામણે કહ્યું કે આ આ દાયકાનું પહેલું ડિજિટલ બજેટ છે. તેમણે કહ્યું કે આ વખતે વૈશ્વિક રોગચાળાને કારણે અર્થવ્‍યવસ્‍થા મંદી પર છે, પરંતુ અર્થવ્‍યવસ્‍થાને પાટા પર લાવવાના તમામ પ્રયત્‍નો કરશે. નાણાં પ્રધાને પોતાના બજેટ ભાષણમાં ભારતની આઝાદીના ૭૫ માં વર્ષ અને ભારત અને પાકિસ્‍તાન વચ્‍ચે ૧૯૭૧ના યુદ્ધનો પણ ઉલ્લેખ કર્યો હતો.

નાણામંત્રી નિર્મલા સીતારામણે બજેટ રજૂ કરતાં કહ્યું હતું કે, શ્નસતત વિકાસ તરફ આગળ વધવાનો પ્રયાસ થઈ રહ્યો છે. આઝાદીનું ૭૫ મુ વર્ષ છે. ભારત-પાકિસ્‍તાન યુદ્ધનું ૫૦મુ વર્ષ પણ છે. તેમણે કહ્યું હતું કે આ વખતે ભારત બ્રિક્‍સની અધ્‍યક્ષતા કરશે અને હરિદ્વાર મહાકુંભની શરૂઆત થઈ રહી છે.

આ વર્ષે, ૧૫ ઓગસ્‍ટના રોજ, ૭૫ મો સ્‍વાતંત્ર દિવસ ઉજવવામાં આવશે. આ વર્ષે, દેશ આઝાદીના ૭૪ વર્ષ પૂર્ણ કરશે. ૧૫ ઓગસ્‍ટ ૧૯૪૭ ના રોજ ભારત સ્‍વતંત્ર થયું. આ વખતે ભવ્‍ય ઉજવણી થશે. માનવામાં આવે છે કે ૭૫ માં સ્‍વતંત્રતા દિવસ સુધીમાં નવા સંસદ ભવનનું નિર્માણ પણ પૂર્ણ થઈ જશે.

સીતારામને તેમના ભાષણમાં ૧૯૭૧ ના ભારત-પાકિસ્‍તાન યુદ્ધનો પણ ઉલ્લેખ કર્યો હતો. આ યુદ્ધ આ વર્ષે ૧૬ ડિસેમ્‍બરે ૫૦ વર્ષ પૂરા થશે. ૧૯૭૧ માં આ ૧૩ દિવસના યુદ્ધ પછી, પાકિસ્‍તાની સેનાએ ભારતને શરણાગતિ આપી અને એક નવો દેશ - બાંગ્‍લાદેશનો જન્‍મ થયો. દર વર્ષે ૧૬ ડિસેમ્‍બર વિજય દિવસ તરીકે ઉજવવામાં આવશે.

આ સાથે આ વર્ષે હરિદ્વારમાં મહાકુંભનું આયોજન કરવામાં આવનાર છે. નાણાં પ્રધાને પણ પોતાના ભાષણમાં આનો ઉલ્લેખ કર્યો હતો. તે ૨૭ ફેબ્રુઆરીથી શરૂ થવાની સંભાવના છે. કુંભમેળામાં દરરોજ ૧૦ લાખ ભક્‍તો આવે તેવી અપેક્ષા છે. કોરોના રોગચાળાને કારણે મેળાના આયોજનમાં યોગ્‍ય કાળજી લેવામાં આવશે. તમામ યાત્રાળુઓની આરટીપીસીઆર તપાસ કરવામાં આવશે.