Gujarati News

નવી દિલ્‍હી તા. ૧ : બજેટ ભાષણમાં નાણામંત્રી નિર્મલા સીતારમણે કહ્યું હતું કે દેશમાં મોબાઈલ ફોન સસ્‍તા કરવામાં આવશે. તેમના ઘટકો પરની આયાત જકાતમાં છૂટ આપવામાં આવશે. બીજી તરફ જો તમે ટીવી ખરીદવાનું વિચારી રહ્યા છો તો એક સારા સમાચાર છે કારણ કે LED ટીવીને સસ્‍તું કરવાની જાહેરાત કરવામાં આવી છે. ઇલેક્‍ટ્રિક વાહનોમાં વપરાતી લિથિયમ-આયન બેટરી પરની આયાત ડ્‍યૂટી ઘટાડવામાં આવશે, જેનો અર્થ છે કે હવે દેશમાં ઇલેક્‍ટ્રિક વાહનો પણ સસ્‍તા થશે. આ સિવાય નાણામંત્રીએ દેશમાં સાઈકલની કિંમતો ઘટાડવાની પણ જાહેરાત કરી હતી, એટલે કે સાઈકલ સસ્‍તી થશે.

મોટા ભાગના લોકો રાહ જોઈ રહ્યા છે કે કઈ વસ્‍તુઓ સસ્‍તી થશે અને કઈ મોંઘી થશે. નાણામંત્રી નિર્મલા સીતારમણે વિદેશથી આવતા રમકડાં, સાયકલ અને વાહનો પરની કસ્‍ટમ ડ્‍યુટી ઘટાડીને ૧૩ ટકા કરવાની જાહેરાત કરી છે. આનાથી સાયકલ, કેટલાક ફોન, કેમેરા લેન્‍સ અને ટીવી સસ્‍તા થશે. બીજી તરફ વિદેશથી આવતી ચાંદીની વસ્‍તુઓ મોંઘી થશે. આ સિવાય સોના અને પ્‍લેટિનમથી બનેલી વસ્‍તુઓના ભાવ પણ વધશે. સિગારેટના ભાવ પણ વધશે. સોના-ચાંદીની વસ્‍તુઓ પર કસ્‍ટમ ડ્‍યુટી વધારી દેવામાં આવી છે.

સસ્‍તા એલઇડી ટીવી, મોબાઇલ ફોન, રમકડા, મોબાઇલ કેમેરા લેન્‍સ, ઇલેક્‍ટ્રિક વાહનો, હીરાના ઘરેણાં, બાયોગેસ સંબંધિત સામગ્રી, લિથિયમ સેલ, સાઇકલ. આ એવી વસ્‍તુઓ છે જે સસ્‍તી હશે. લિથિયમ બેટરી પર ડિસ્‍કાઉન્‍ટ ચાલુ રહેશે. બીજી તરફ ઘરેલુ મોબાઈલ ફોન સસ્‍તા થવાની શક્‍યતા છે. તમને જણાવી દઈએ કે ઓટોમોબાઈલ સેક્‍ટર કોરોના સમયગાળાથી સમસ્‍યાઓનો સામનો કરી રહ્યું છે. આવી સ્‍થિતિમાં, કસ્‍ટમ ડ્‍યુટીમાં મુક્‍તિની જાહેરાત અને ઇલેક્‍ટ્રિકલ વ્‍હીકલ અંગેની જાહેરાત આ ક્ષેત્રને પ્રોત્‍સાહન આપી શકે છે.

તેની વાત કરીએ તો સિગારેટ, વિદેશી કિચનની ચીમની, સોનું, આયાતી ચાંદીની વસ્‍તુઓ, પ્‍લેટિનમ, છત્રી મોંઘી થશે.

સરકારે જણાવ્‍યું હતું કે પરોક્ષ કર દરખાસ્‍તોનો ઉદ્દેશ્‍ય નિકાસને પ્રોત્‍સાહન આપવા, સ્‍થાનિક ઉત્‍પાદનને વેગ આપવા, સ્‍થાનિક મૂલ્‍યવૃદ્ધિમાં વધારો કરવા, ગ્રીન એનર્જી અને ગતિશીલતાને પ્રોત્‍સાહિત કરવાનો છે. કાપડ અને કૃષિ સિવાયના માલસામાન પર મૂળભૂત કસ્‍ટમ ડ્‍યુટીના દરો ૨૧ થી ઘટાડીને ૧૩ કરવાનો પ્રસ્‍તાવ છે.