Gujarati News

મોસ્‍કો તા. ૨ : રશિયા યુક્રેનમાં યુદ્ધને સમાપ્ત કરવા માટે પﾍમિી દબાણને વશ થવા તૈયાર નથી, અને દેશના વિદેશ પ્રધાન સેરગેઈ લવરોવના રવિવારે તાજેતરના રેટરિકે આને વધુ સ્‍પષ્ટ કર્યું છે. રશિયાના વિદેશ મંત્રીએ કહ્યું કે મોસ્‍કોએ પશ્ચિમના સંભવિત હુમલાનો સામનો કરવા માટે ‘અલ્‍ટ્રાસોનિક હથિયારો' વિકસાવ્‍યા છે.

આ દરમિયાન તેણે પરમાણુ યુદ્ધની ધમકીને નકારી કાઢી હતી. ‘પﾍમિ મીડિયા રશિયન ધમકીઓને ખોટી રીતે રજૂ કરે છે. રશિયાએ ક્‍યારેય પરમાણુ યુદ્ધ થશે નહીં તેની ખાતરી આપતા કરારો સુધી પહોંચવાના પ્રયાસોમાં ક્‍યારેય અવરોધ કર્યો નથી,' ૭૨ વર્ષીય મંત્રીએ ભારપૂર્વક જણાવ્‍યું હતું.વ્‍લાદિમીર પુતિન પરમાણુ યુદ્ધ શરૂ કરી શકે છે તેવી આશંકા વચ્‍ચે, રશિયાના ટોચના પ્રધાને દાવો કર્યો હતો કે તેમનો દેશ પરમાણુ યુદ્ધ રોકવા માટે પ્રતિબદ્ધ છે. વિદેશ મંત્રી સર્ગેઈ લાવરોવે રવિવારે એક ઈટાલિયન ટીવી કાર્યક્રમને આપેલા ઈન્‍ટરવ્‍યુ દરમિયાન આ દાવો કર્યો હતો. તેમણે ઉમેર્યું કે, ‘પﾍમિ મીડિયા રશિયન ધમકીઓને ખોટી રીતે રજૂ કરે છે. લવરોવની ટિપ્‍પણીઓ અગાઉની ધમકીઓથી તદ્દન વિપરીત છે, જયારે તેણે પરમાણુ યુદ્ધના ‘ગંભીર જોખમ' વિશે ચેતવણી આપી હતી.'

દરમિયાન, યુનાઈટેડ નેશન્‍સે યુક્રેનના યુદ્ધગ્રસ્‍ત શહેર મેરીયુપોલમાં સ્‍ટીલ પ્‍લાન્‍ટમાંથી ખાલી કરાવવાની કામગીરી ચાલુ રાખવાની પુષ્ટિ કરી છે. યુએસ હાઉસ સ્‍પીકર નેન્‍સી પેલોસીએ જણાવ્‍યું હતું કે તેણે રશિયન આક્રમણ સામે યુક્રેનના સંરક્ષણ માટે યુએસ સમર્થન દર્શાવવા માટે યુક્રેનના રાષ્ટ્રપતિ વ્‍લાદિમીર ઝેલેન્‍સકીની મુલાકાત લીધી હતી.