Gujarati News

લખનઉ, તા.૨ : કપડાંની જેમ પત્નીઓ બદલી રહેલા એક રાજકારણી સામે ટ્રિપલ તલાકનો કેસ નોંધવામાં આવ્યો છે. આ કિસ્સો ઉત્તર પ્રદેશના આગરામાંથી સામે આવ્યો છે જ્યાં છ-છ વાર પત્નીઓ બદલી ચૂકેલા પૂર્વ મંત્રી સામે તેની ચોથી પત્નીએ અવાજ ઉઠાવ્યો છે. તેણે આગરાના મંટોલાના પૂર્વ મંત્રી બશીર ચૌધરી પર ગંભીર આરોપ લગાવતાં તીન તલાક કાયદા હેઠળ કેસ નોંધાવ્યો છે.

પૂર્વ મંત્રીની ચોથી પત્ની નગમાના આરોપ છે કે, બશીર ચૌધરી અલગ-અલગ મહિલાઓ સાથે શારીરિક સંબંધ બાંધવા માટે તેમને લગ્નની જાળમાં ફસાવે છે. પીડિતાનું કહેવુ હતું કે ૨૦૧૨માં બશીર ચૌધરી સાથે એના લગ્ન થયા હતા. જે પછી તેણે અનેક વાર બળજબરી કરી તેની સાથે શારીરિક સંબંધો બનાવ્યા હતા. પૂર્વ મંત્રી પર આરોપ લગાવનારી પીડિતા નગમાએ એક વિડીયો સોશિયલ મીડિયા પર શેર કર્યો છે. જેમાં તે રાજકારણી પર ગંભીર આરોપ લગાવી રહી છે.

નગમાનું કહેવુ છે કે, ત્રણ વર્ષથી માતા-પિતાને ઘરે રહે છે અને પતિ બશીર સાથે કોર્ટમાં કેસ ચાલી રહ્યો છે. ૨૩ જુલાઇએ નગમાને જાણ થઇ કે તેનો પતિ અન્ય એક લગ્ન કરવાનો છે. એવામાં તે પતિ પાસે ગઇ ત્યારે તેણે ત્રણ વાર તલાક કહી તેને ભગાડી દીધી હતી. નગમાનું કહેવું છે કે, તેણ છઠ્ઠા લગ્ન સાહિસ્તા નામની પરિણીતા સાથે કર્યા છે. જેનો પતિ સાથે વિવાદ ચાલી રહ્યો છે. વર્ષ ૨૦૦૩માં પણ પૂર્વ મંત્રી બશીરે કાનપુરની ધારાસભ્ય ગઝાલા સાથે પ્રેમલગ્ન કર્યા. બંનેને એક બાળક પણ હોવાનો ખુલાસો થયો છે. આ સિવાય બશીરે બીજા લગ્ન ગિન્ની ક્કડ સાથે, ત્રીજા લગ્ન દિલ્હીની તરન્નુમ સાથે અને ચોથા લગ્ન નગમા સાથે કર્યા હતા.

યુપીના આ પૂર્વ મંત્રીએ પાંચમાં લગ્ન રુબીના નામની મહિલા સાથે કર્યા હતા. જોકે પોલીસે મંત્રી વિરુદ્ધ મુસ્લિમ મહિલા સંરક્ષણ કાયદા તીન તલાક હેઠળ કેસ નોંધ્યો છે. આ સિવાય તેની પર અન્ય કેસ પણ ચાલી રહ્યા છે.