Gujarati News

Gujarati News

News of Friday, 2nd October 2020

અનુરાગ કશ્યપે પોલીસને કહ્યું- અભિનેત્રીને મળ્યો જ નથી

યોન શોષણની ફરિયાદ મને બદનામ કરવા માટે કરી

મુંબઇ તા. ૨: અભિનેત્રીએ શારીરિક શોષણનો આરોપ મુકતાં ફિલ્મ નિર્દેશક અનુરાગ કશ્યપને મુંબઇના વરસોવા પોલીસ સ્ટેશનમાં બોલાવી પોલીસે કલાકો સુધી પુછતાછ કરી હતી. અનુરાગે પોલીસની પુછતાછમાં કહ્યું હતું કે વરસોવા સ્થિત મારા ઘરમાં ફરિયાદ કરનાર અભિનેત્રી સાથે મારી કદી મુલાકાત જ નથી થઇ, આ જોતાં યોન શોષણનો કોઇ સવાલ જ ઉભો થતો નથી.

અભિનેત્રી ખોટા આરોપ મુકી મને બદનામ કરવાનો પ્રયાયસ કરી રહી છે. કશ્યપે કહ્યું હતું કે હું પણ મારા પર આવા ખોટા આરોપ મુકનાર અભિનેત્રી પર કાયદાકીય કાર્યવાહી કરવા વિચાર કરી રહ્યો છું. મુંબઇ પોલીસે ફરિયાદીની કૂપર હોસ્પિટલ ખાતે તબિબી તપાસ કરાવી હતી. શકયતા છે કે તપાસ બાદ કદાચ અનુરાગની પોલીસ ધરપકડ કરે. ફરિયાદીએ ફરિયાદમાં કહ્યું છે કે તેની સાથે યોૈન શોષણની ઘટના છ વર્ષ પહેલા બની હતી.

(3:58 pm IST)
  • હાથરસ કાંડ : ભાજપના વરિષ્ઠ નેતા ઉમાભારતીની યોગી આદિત્યનાથને અપીલ : નેતાઓ અને મીડિયાને પીડિતાના ઘેર જવા દયો : તમારી અને બીજેપીની છબી ખરાબ થઇ છે : હું કોરોના સંક્રમિત હોવાથી લાચાર છું : સાજી થયા પછી સૌપહેલાં પીડિતાના ઘેર જઈશ : આપણે હજુ થોડા દિવસ પહેલા જ અયોધ્યામાં રામ મંદિરનું ભૂમિ પૂજન કરી રામરાજ્ય લાવવાની વાતો કરી : બીજીબાજુ દલિત યુવતી ઉપર ગેંગ રેપ પછી પોલીસની કાર્યવાહી શંકાજનક : કેન્દ્રીય મંત્રી સાધ્વી નિરંજન જ્યોતિએ પણ યુ.પી.પોલીસની શંકાશીલ કાર્યવાહી વિરુદ્ધ સવાલ ઉઠાવ્યા access_time 8:11 pm IST

  • દેશમાં કોરોનાનો કહેર યથાવત : રાત્રે 12 વાગ્યા સુધીમાં નવા 81,693 કેસ નોંધાયા :કુલ કેસની સંખ્યા 63,91,860 થઇ :હાલમાં 9,42,585 એક્ટિવ કેસ :વધુ 78,646 દર્દીઓ સ્વસ્થ થતા કુલ 53,48,653 રિકવર થયા :વધુ 1096 દર્દીઓના મોત સાથે મૃત્યુઆંક 99,804 થયો access_time 1:03 am IST

  • રાપર હત્યાકાંડ : કચ્છના રાપર વકીલ હત્યાકાંડ : સીટમાં વધુ બે અધિકારી પશ્ચિમ કચ્છનાં એસપી સૌરભસિંઘ અને મુન્દ્રા મરીન પીઆઇ ગિરિશ વાણિયાની વરણી આરોપીઓના નાર્કો ટેસ્ટ કરવાની દિશામાં ચક્રો ગતિમાન, હત્યાના ચોક્કસ કારણો જાણવા સીટ દ્વારા તપાસનો ધમધમાટ access_time 10:47 pm IST