Gujarati News

Gujarati News

News of Friday, 2nd October 2020

ફ્રાન્સના રાષ્ટ્રપતિ ખળભળાટ મચાવે છે, કહ્યુ કે ઈસ્લામ ધર્મના કારણે આજે સમગ્ર વિશ્વ સંકટમાં છે . ઈસ્લામી કટ્ટરપંથ સાથે લડવાની પણ વાત કરી

ફ્રાન્સના રાષ્ટ્રપતિ ઈમૈનુએલ મૈક્રોએ ઈસ્લામ ધર્મને લઈને પોતાની પ્રતિક્રિયા આપી છે . સમાચાર એજન્સી એએફપીને ટાંકીને અમર ઉજાલા નોંધે છે કે શ્રી મૈક્રોએ  ઈસ્લામ ધર્મને 'એક એવો ધર્મ જેના કારણે આજે સમગ્ર વિશ્વ સંકટમાં છે'ના રૂપમાં વર્ણવેલ છે . તેમણે ફ્રાન્સમાં એક ભાષણ દરમિયાન ઈસ્લામી કટ્ટરપંથ સાથે લડવાની વાત પણ કહી હતી . મૈક્રોએ આ પહેલા પણ ઈસ્લામને કટ્ટરતા અને નફરત ફેલાવવાળા ધર્મ તરીકે બતાવી ચૂકેલ છેઃ ફ્રાન્સની કુલ જન સંખ્યામાં અત્યારે ૬૦ લાખથી વધુ મુસ્લિમો છે . આ વર્ષના પ્રારંભે જ ફ્રાન્સના રાષ્ટ્રપતિ મૈક્રોએ ફ્રાન્સમાં વિદેશી ઈમામોના આવવા ઉપર પ્રતિબંધ લાદી દીધો હતો . એ સમયે પણ રાષ્ટ્રપતિ મૈક્રોએ કહ્યુ હતુ કે સરકારનો આ નિર્ણય કટ્ટરપંથ અને અલગાવવાદને રોકવા માટે કરવામાં આવ્યો છે . તેમણે સાફ સાફ કહ્યુ હતું કે ફ્રાન્સમાં જે ઈમામ મોજુદ છે તેમણે સ્થાનિક ભાષા એટલે કે ફ્રેન્ચ શીખવી જરૂરી બનશે . તેમણે સ્પષ્ટ કહ્યું હતું કે ફ્રાન્સમાં રહેવાવાળાએ કાયદાનું સખ્તાઈથી પાલન કરવુ પડશે . તેમણે વધુમાં કહેલ કે આ કારણે જ ફ્રાન્સમાં કટ્ટરપંથ અને અલગાવવાદનો ખતરો છે અમે ઈસ્લામીક કટ્ટરપંથની વિરૂદ્ધમાં છીએ.

(5:22 pm IST)
  • હાથરસ કાંડ : ભાજપના વરિષ્ઠ નેતા ઉમાભારતીની યોગી આદિત્યનાથને અપીલ : નેતાઓ અને મીડિયાને પીડિતાના ઘેર જવા દયો : તમારી અને બીજેપીની છબી ખરાબ થઇ છે : હું કોરોના સંક્રમિત હોવાથી લાચાર છું : સાજી થયા પછી સૌપહેલાં પીડિતાના ઘેર જઈશ : આપણે હજુ થોડા દિવસ પહેલા જ અયોધ્યામાં રામ મંદિરનું ભૂમિ પૂજન કરી રામરાજ્ય લાવવાની વાતો કરી : બીજીબાજુ દલિત યુવતી ઉપર ગેંગ રેપ પછી પોલીસની કાર્યવાહી શંકાજનક : કેન્દ્રીય મંત્રી સાધ્વી નિરંજન જ્યોતિએ પણ યુ.પી.પોલીસની શંકાશીલ કાર્યવાહી વિરુદ્ધ સવાલ ઉઠાવ્યા access_time 8:11 pm IST

  • ૩૧ ઓકટોબર સુધીમાં જ ફી ભરનારા વાલીઓને ફીમાં ૨૫ ટકાની રાહત મળશેઃ૩૧ ઓકટોબર સુધીમાં જ ફી ભરનારા કે ગત વર્ષે ફી નહિ ભરી હોય તેવા વાલીઓને ફીમાં ૨૫ ટકાની રાહત નહિ આપવાનો રાજય સરકાર દ્વારા નિર્ણય કર્યો હોવાનું જાણવા મળે છેઃ આવો નિર્ણય જાહેર કરતા ઓલ ગુજરાત વાલી મંડળ દ્વારા સ્કુલ સંચાલકોના નિર્ણયનો વિરોધ કરી સરકારમાં ફરીથી રજુઆત કરવાની ચીમકી આપી હોવાનું જાણવા મળે છે access_time 11:25 am IST

  • હાથરસ ગેંગ રેપ : દિલ્હીના જંતર મંતર ઉપર વિરોધ પક્ષોનો જમેલો : સીપીએમ મહાસચિવ સીતારામ યેચુરી ,સીપીઆઇ નેતા ડી.રાજા ,આમ આદમી પાર્ટીના સૌરભ ભારદ્વાજ ,જીગ્નેશ મેવાણી ,ભીમ આર્મીના ચંદ્રશેખર આઝાદ ,તથા બૉલીવુડ અભિનેત્રી સ્વરા ભાસ્કર સહિતનાઓ મેદાનમાં : યુ.પી.સરકાર વિરુદ્ધ સૂત્રોચ્ચાર કર્યા access_time 7:00 pm IST