Gujarati News

નવી દિલ્હીઃ દુનિયાના સૌથી અમીર બીઝનેસમેન એલન મસ્કની રોકેટ કંપની સ્પેસએકસની સહયોગી સ્ટાર લીંકે ભારતમાં રજીસ્ટ્રેશન કરાવી લીધું છે. આ કંપની સેટેલાઇટના માધ્યમથી ઇન્ટરનેટ સેવાઓ ઉપલબ્ધ કરાવે છે. તેનો ઉદેશ ભારતના ગ્રામ્ય વિસ્તારોમાં ઇન્ટરનેટ સેવાઓ ઉપલબ્ધ કરાવવાનો છે. આ ક્ષેત્રમાં તેનો સીધો મુકાબલો ભારતી એરટેલ અને બ્રીટીશ સરકારના સંયુકત સાહસવાળી કંપની વનવેબ ઉપરાંત એમેઝોન ઇક સાથે રહેશે. સરકારને સબમીટ કરાયેલ દસ્તાવેજ અનુસાર, ભારતમાં સ્ટારલીંક સેટેલાઇટ કોમ્યુનિકેશન પ્રાઇવેટ લીમીટેડ નામની આ કંપની બ્રોડબેન્ડ અને અન્ય સેટેલાઇટ આધારિત સેવાઓ ઉપલબ્ધ કરાવવા માટેના લાયસન્સ બાબતે અરજી કરશે.