Gujarati News

નવી દિલ્‍હી, તા.૩: કોંગ્રેસના પૂર્વ અધ્‍યક્ષ સોનિયા ગાંધી દિલ્‍હીની ગંગારામ હોસ્‍પિટલમાં દાખલ છે. તાવની ફરિયાદ બાદ ગુરુવારે હોસ્‍પિટલમાં લાવવામાં આવ્‍યા હતા, જ્‍યાં તેમને ડોક્‍ટરોની દેખરેખ હેઠળ રાખવામાં આવ્‍યા છે.

સર ગંગારામ હોસ્‍પિટલ દ્વારા જારી કરાયેલા હેલ્‍થ બુલેટિન મુજબ, યુપીએ ચેરપર્સન સોનિયા ગાંધી ચેસ્‍ટ મેડિસિન વિભાગના વરિષ્ઠ સલાહકાર ડો. અરૂપ બાસુની દેખરેખ હેઠળ સારવાર લઈ રહ્યા છે. તેમને તાવ આવતાં ૨ માર્ચ એટલે કે ગુરુવારે દાખલ કરવામાં આવ્‍યા છે. તે સતત ડોકટરોની દેખરેખમાં છે અને તેના અનેક ટેસ્‍ટ કરવામાં આવી રહ્યા છે. તેમની હાલત સ્‍થિર છે.

સોનિયા ગાંધીની તબિયત એવા સમયે બગડી છે જ્‍યારે રાહુલ ગાંધી વિદેશ પ્રવાસ પર છે. તેઓ યુકેની કેમ્‍બ્રિજ યુનિવર્સિટીમાં લેક્‍ચર આપવા ગયા છે. ત્‍યાં તેમણે કહ્યું કે ભારતીય લોકતંત્ર ખતરામાં છે. અમે સતત દબાણ અનુભવીએ છીએ. વિપક્ષી નેતાઓ પર કેસ દાખલ કરવામાં આવી રહ્યા છે. મારી સામે ઘણા કેસ દાખલ કરવામાં આવ્‍યા હતા. આવા કેસોમાં કેસ દાખલ કરવામાં આવ્‍યા હતા, જે બિલકુલ બનતા નથી. અમે પોતાનો બચાવ કરવાનો પ્રયાસ કરી રહ્યા છીએ. આ સાથે તેમણે કહ્યું કે વિપક્ષના નેતાઓના ફોનમાં પેગાસસ નાખવામાં આવ્‍યું હતું.