Gujarati News

બેઈજિંગ, તા. ૩ : લદ્દાખ સીમા પર ભારત સાથે સતત ઉશ્કેરણી જનક હરકત કરી રહેલું ચીન બીજી તરફ પાકિસ્તાનને ભરપૂર મદદ કરી રહ્યું હોવાના ખબર છે. ચીને પાકિસ્તાનની સેનાની ૩૫૦ જેટલી ટેક્નોને વધારે આધુનિક બનાવવા માટેની ટેકનોલોજી આપી છે. આ પહેલાં પણ ચીન પાક સેનાને મજબૂત બનાવવા માટે હથિયારો આપી ચુક્યું છે. ચીન પાકિસ્તાનની ટી-૮૫ ટેક્નોનું સમારકામ કરીને તેને અપગ્રેડ કરી આપશે. તેની સાથે સાથે પાકિસ્તાનને દર વર્ષે ૨૫ અલ ખાલિદ ટેક્ન બનાવીને આપશે.જે પાકિસ્તાની સેનાની મેઈન બેટલ ટેક્ન છે.આ માટે પાકિસ્તાન અને ચીન વચ્ચે સંમતિ પણ થઈ ચુકી છે.

 પાકિસ્તાનની આર્ટિલરીને પણ ચીન વધારે મજબૂત બનાવવા માટે મદ કરવાની ફિરાકમાં છે.પાકિસ્તાન ભારતના સરહદી વિસ્તારો પર તોપમારો કરવા માટે એસએચ-૧૫ પ્રકારની ચાઈનિઝ બનાવટની તોપનો ઉપયોગ કરે છે.આવી વધુ ૨૩૬ તોપ પાકિસ્તાન ચીન પાસે ખરીદવા માંગે છે.જે માટે ચીન સાથે પાકિસ્તાને ૫૧૨ મિલિયન ડોલરની ડીલ કરી છે.આ ગનને પાકિસ્તાન એલઓસી નજીક તૈનાત કરવા માંગે છે.ચીન પાકિસ્તાનને એ-૧૦૦ પ્રકારના મલ્ટીપલ રોકેટ લોન્ચરો પણ આપી ચુક્યું છે.