Gujarati News

મુંબઈ :  દેશમાં કોરોનાના વધતા જતા કેસને જોતા BCCIએ રણજી ટ્રોફી સહિત ત્રણ ડોમેસ્ટિક ટૂર્નામેન્ટ સ્થગિત કરવાનો નિર્ણય લીધો છે. આ મહિનાથી રણજી ટ્રોફીની મેચો શરૂ થવાની હતી. ગત સિઝનમાં પણ કોરોનાને કારણે ભારતની આ ફર્સ્ટ ક્લાસ ટૂર્નામેન્ટ રમાઈ શકી ન હતી.

આ સિવાય સીકે નાયડુ ટ્રોફી અને સિનિયર વિમેન્સ ટી20 લીગ પણ મુલતવી રાખવામાં આવી છે. બોર્ડ દ્વારા ટુર્નામેન્ટની નવી તારીખોની જાહેરાત કરવામાં આવી નથી. એટલે કે, કોરોનાની સ્થિતિ સારી થયા પછી જ આ અંગે નિર્ણય લેવામાં આવશે. ડોમેસ્ટિક ટૂર્નામેન્ટના વધારાથી IPL 2022ની તારીખોને પણ અસર થશે.