Gujarati News

Gujarati News

News of Tuesday, 4th May 2021

વક્સિનેશન અંગે સરકારની નીતિઓને લકવો મારી ગયો

વેક્સિનેશન સંદર્ભે રાહુલ ગાંધી દ્વારા આકરી ટીકા : સરકારે હવે આ વાત સ્વીકારી લેવી જોઈએ.અને સ્થિતિને ખોટી રીતે રજુ કરવા કરતા તેનો સામનો કરવાની જરુર

નવી દિલ્હી, તા. ૩ : કોંગ્રેસના પૂર્વ અધ્યક્ષ રાહુલ ગાંધીએ સરકારે કોરોનાની રસીને લઈને અપનાવેલી નીતિની ટીકા કરી છે. કોંગ્રેસ શાસિત રાજ્યો વેક્સીનની અછત હોવાના કારણે રસીકરણ અભિયાનમાં વિઘ્ન આવી રહ્યુ હોવાનો આક્ષેપ કરી રહ્યા છે ત્યારે રાહુલ ગાંધીએ કહ્યુ છે કે, સરકારની નીતિને લકવો મારી ગયો છે.આ પોલિસી સાથે વાયરસ પર જીત મેળવવી શક્ય નથી.સરકારે હવે આ વાત સ્વીકારી લેવી જોઈએ.સરકારે સ્થિતિને ખોટી રીતે રજુ કરવા કરતા તેનો સામનો કરવાની જરુર છે.

રાહુલે આ ટ્વિટની સાથે એક અખબારી અહેવાલ પણ શેર કર્યો છે.જેમાં કહેવાયુ છે કે, વેક્સીનની અછતથી દેશમાં સંખ્યાબંધ રસીકરણ કેન્દ્રો બંધ છે અને દરેક ભારતીયને ટીકાકરણનો અધિકાર આપી દેવાયો હોવા છતા હહજી સુધી કેન્દ્ર સરકાર દ્વારા ભારતમાં વેક્સીન બનાવતી બે કંપનીઓને રસી બનાવવાનો ઓર્ડર આપવામાં આવ્યો નથી.

આ પહેલા પણ રાહુલ ગાંધીએ કહ્યુ હતુ કે, સરકારે કોરોના સામે લડવા યોગ્ય પગલા ભર્યા નથી.અગાઉ જે પણ ચેતવણીઓ અપાઈ હતી તેને નજર અંદાજ કરી હતી.આજે કોરોના સામે લડવા માટે જરુરી દરેક વસ્તુની દેશમાં અછત છે.દેશની રાજધાનીની હોસ્પિટલો હાઉસફુલ છે અને લોકોને ઓક્સિજનની અછત નડી રહી છે.

(12:00 am IST)
  • આજે પોરબંદરમાં 37 મૃતદેહને ને અગ્નિદાહ આપવામાં આવ્યો જેમાં પાંચ કોરોના પોઝિટિવ હોવાનું જાણવા મળ્યું છે : પોરબંદરમાં સ્મશાન ગૃહ ખાતે પોલીસ બંદોબસ્ત મુકવાની જરૂર છે access_time 10:38 pm IST

  • મુખ્યમંત્રીના અગ્ર મુખ્યસચિવ કે.કૈલાસનાથનને કોરોના : ગુજરાતના પીઢ આઈઍઍસ અધિકારી અને મુખ્યમંત્રીશ્રીના અગ્રસચિવ કે.કૈલાસનાથન કોરોના સંક્રમિત થયા છે : હાલ હોમ આઈસોલેશનમાં સારવાર ચાલી રહી હોવાનું જાણવા મળે છે access_time 2:21 pm IST

  • પાંચમીએ ભાજપના મોટા પાયે રાષ્ટ્રવ્યાપી ધરણા પૂર્વે આવતીકાલે ૪ મે થી બે દિવસની પશ્ચિમ બંગાળની મુલાકાતે જે.પી.નડ્ડા દોડયા : ચૂંટણીઓ પુરી થયા પછી પશ્ચિમ બંગાળમાં વ્યાપક હિંસા અને તોફાનોના પગલે ભારતીય જનતા પક્ષના રાષ્ટ્રીય પ્રમુખ જે પી નડ્ડા મંગળવારથી પશ્ચિમ બંગાળની બે દિવસની મુલાકાતે જઇ રહ્યાનું જાણવા મળે છે. access_time 12:06 am IST